Popular Bible Verses from EKSODAS 32

Share

Kedeiloa’ntûm gene Mosabe wangkeudaimakbe ting tie-desang di de lei be baudime chî lu dadege, Aaronbe dage penui wang’ndui lu, zai pe chu acheu sa ze, “Chu ze anui suage nguaraîtatrabe hangge anui hangge hera ramme tew gai zu lau; aipaupeu Mosabe Ijipram gene anui je nguapatkaipeu deu ze â pe dage ’ndaikau wangchang di ze la de mei be pe kîn anui chî ta de lei,” kacheu de lei.

Zai Tingwang ne Mosabe je rang gai ze, “Wangkeu zu lau, ning gu ziemmena Ijipram gene nang ne nguapatkailume â penui runne penui je tew’nsia gai ’nde lei; penui je I diegaibeibe ’mpuî gene penui lietat kelua di de lei; penui â penui hangge penui runne langlualube ne getumseipoine tew lu, zai chipau luî je kellum ze, zai chige ze herâtewbe kaurui peipat kai ze la de lei, zai penui acheu sa ze, ‘Israel zat gau, airamme ze Ijipram gene ningnui je nguapatbe ningnui rapeu ramme de lei!’ ze kacheu de lei” ze kacheu de lei.

Aaronbe chize ngau dege, chipau luî suage herâtewbe-kaira tew gai de lei; zai Aaronbe ne rangba gai ze acheu sa ze, “’Nchuamai â Tingwang dage kahengîbe mai chang ra de lei,” kacheu de lei. Zai bechaibe mai ge hechuasûn chu lu, rûkambe-râtewbe ramme peipat kai ze kelunbe-râtewbe kela ramme teiwang de lei; zai teu ze sak ra hangge baudime ’ntaukeu gai de lei, zai teluprabe hangge zuachu de lei.

Bechaibe mai hechua ge Mosabe ne ziemmena baudime je, “Ningnui hemui tâ kedibe tew gai ’ndi de lei. Zai chunage Tingwang dage I hang ra de lei; ningnui gu hemui hangge I ne tewkuak kai le leu gu lei,” kacheu de lei.