Judaram heguang Uzziabe benai Israelram heguang, Joasbe na Jeroboambe ting ge keteika’nchibe wangrabe kum, kum na suage Tekoa keloa gu melireîme ruage hangkat Amosbe ne Israelme peireige mâ-mâ wangrabe ngaulube gu sam ramme ze aigum bam lei. Zai pa ne acheu sa ze:
“Zaion gene Tingwang ne pe kuâ ’nrahim la lei,
zai Jerusalem gene pe kuâ sapat la lei;
melireîme gu timpeizeu ramme puîhap te lei,
zai Karmel loa’ntûm ze huikeu de lei,” ze kacheu de lei.