Popular Bible Verses from Fakahā 2

Share

Ka neongo ia, ‘oku ‘i ai pē e me‘a ‘oku ou ta‘e fiemālie ai ‘iate kimoutolu. He kuo hōloa ho‘omou mu‘aki ‘ofá.

Vakai ange ki he tu‘unga kuo mou fakaholomui mei aí, pea mou tafoki leva ‘o fai e ‘ulungāanga na‘a mou tomu‘a ‘i aí. Kapau he‘ikai ke mou fei mo tafoki, te u a‘u atu ‘o to‘o ho‘omou tu‘unga-māmá.

‘Oua ‘e hoha‘a ki he ngaahi me‘a te mou faingata‘a‘ia aí. ‘E fakahū pilīsone ha ni‘ihi ‘iate kimoutolu ‘e he tēvoló, pea ‘e ‘ahi‘ahi‘i ai kimoutolu mo fakamamahi‘i ‘o fe‘unga mo ha ‘aho ‘e hongofulu. Pea kapau te mou tu‘u ma‘u ‘o a‘u ki he mate, pea te u fakapale‘i‘aki kimoutolu ha mo‘ui lāngilangi‘ia.

‘Oku mou lau ko e kakai telinga ongo kimoutolu, pea mou fakafanongo ki he me‘a ‘oku tala ‘e he Laumālié ki he ngaahi siasí. He ko kinautolu kotoa pē ‘e ikuná, te u faka‘atā ke nau kai he fua e fu‘u ‘akau ‘o e mo‘uí ‘oku tu‘u ‘i he loto Ngoue ‘a e ‘Otuá.”

‘Oku ou ‘ilo‘i ho‘omou me‘a kotoa kuo faí, ‘a ho‘omou fakafitefita‘á mo ho‘omou fa‘a kātakí. ‘Oku ou ‘ilo‘i foki ‘a e ‘ikai ke mou makātaki‘i ha taha faikovi, ‘o hangē ko ho‘omou sivisivi‘i ‘a e ni‘ihi na‘a nau tala ko e kau ‘apōsitolo, ka tā ko e kau kākā kinautolu.

Na‘a mou ‘ūkuma mo fou he ngaahi faingata‘a koe‘uhí ko au, pea kuo ‘ikai ke mou tukulolo.

Ko ena ‘oku mou lau kimoutolu ko e kakai telinga ongo, pea mou fakafanongo ā ki he me‘a ‘oku tala ‘e he Laumālié ki he ngaahi siasí. Ko kinautolu kotoa pē ‘e ikuná, te u ‘oange hanau ‘inasi he me‘atokoni fufuú. Pea te u toe ‘oange kiate kinautolu taki taha mo ha fo‘i maka hinehina kuo tohi ai ha hingoa fo‘ou. Pea he‘ikai ke ‘ilo ‘e ha taha ‘a e hingoá, ngata pē he toko taha ‘oku ‘oange ki ai ‘a e fo‘i maká.”