Popular Bible Verses from ROM 8

Tualeh sil bangkimah Pasian in Ama itte, Aman adei bang bawl dinga ahatte a dingin ahoina dingun silzousie asemkhawm chiet hi chi, ithei uhi.

Shina ahiei, hinna ahiei, vansawlsiengte ahiei, thuneinate ahiei, silbawltheinate ahiei, tuhun a sil umte ahiei, sil hing um dingte ahiei, Sanna ahiei, thuhna ahiei, ahisihleh silsiem dang mawngmawngin zong, i Mangpa uh Khrist Jesu a um Pasian itna akipat ahing khen thei sih ding chi kichien tahin ka thei hi.

Tuabangmain ihatlounate uah Hagau in ahing panpi zel hi; aziehpen eiten bangchi banga thungen ding ihiei chi nasan ithei sih uhi, hinanleh Hagau in kamtenga genthei guollou a thumin ahing nget pieh hi.

Ahileh tam thute ah bang igenta diei leh? Pasian ei lam a apan leh koi ahiei hingdou thei ding?

Tuaziehin tuin vang, Khrist Jesu a um a, khelna dan zuilou a, Hagau dan a, umte ding in siemmaw tansahna mawngmawng aum nawn sih hi.

Tahsa lam silte lunggul khu shina ahi a, Hagau lam silte lunggul khu hinna leh hamuonna ahi.

Khen vawtlou ding; tamte zousie ah, ahing itpa ziehin guolzoute sanga tungtuong zaw ihi uhi.

Tu hun lai a ithuohgimnate pen dachienga eite a thupina sulat a um ding toh tekah tham in ka sep sih hi.

Khrist itna akipat eite hing khen ding koi ahiei? Gimthuohnain ahiei, lunggimnain ahiei, bawlsietnain ahiei, kielin ahiei, guohtanna in ahiei, shi zauhuoina in ahiei, ahisihleh namsau in ahiei, hingkhen ding?

I lungtangte vel a theichienpa’n Hagau lungsim athei a, tua Hagau in Pasian dei danin misiengthoute a dingin anget pieh hi.

Aziehpen Pasian Hagauin apui poumate, Pasian tate ahi uhi.

Tahsa dan a hingten, tahsa lam silte a lunggul ua, hinanleh Hagau dan a hingten hagau lam silte alunggul uhi.

Ama tapa ngel zong khetlou a, i unpi ua dinga hing pepa’n bang dingin sil zousie amanbei a Ama toh hing pekhawm lou ding ahiei?

Hagau ngei in, eima hagau toh, Pasian tate ihi chi ahing theipi hi. Tuabanga tate ihi u’leh gouluote, Khrist toh Pasian gou luokhawmte ihi uhi. Ama toh ithuoh khawm pouleh, Ama toh pahtawi a umkhawm thei ding i hi.

Tahsa lam lunggulna khu Pasian toh kimelmatna ahiziehin, tuakhu Pasian dan nuoi ah a um sih a, um zong a um thei sih hi.

Silsiem zousiein kinem tahin Pasian tate kilatna ding angahla mama uhi.

Aziehpen silsiem zousie tutan dongin thum leh nauvei natna thuohin a um uh chi ithei uhi.