Popular Bible Verses from AMIKHEAKAKHIUKKHI 22

Share

I Alpha tüsho Omega, akhuhbuh tüsho ashubuh, atankih tüsho akheam.”

“Kheahang, mihbüm aban apinü arhimokhi dün jihpü I thsambah hanbah I nahde arüchoh.

Me tüsho Yamkhünbenü thachoh, “Arang.” Tüsho shepünü sochonü, “Arang” de thaang. Tüsho shepü kethürilanü arang, shepünü künlanü rhangdung ke akeang thsambah luang.

Arünü rhangdung sangdung ki alim lapü tüsho ripitbo hode kiuto ching yüzahpü thsüde sherü shulünkhimbo müsühchonü müngühmühi.

Tüsho kheahang, I nahde arüchoh.” Shepünü ha hüm müchitkhi yubo zochonü müngühmühi.

Tüsho ju ching kheaküa azhing müla; arünü tsün yo ayin yungsho ani yihnüpü müla, tümüde Atungpuh Thrünpuh ju arü ayin labah, tüsho arünü lünnü lün kiulongthsübah.

Shepünü harü thiyumütsan thsüchonü thachoh, “Tsükjide I nahde arüchoh.” Amen. Arang Atungpuh Jisu! Atungpuh Jisu amüthsüm amüsührü alala lung laang. Amen.

Ha hüm ching müchitkhi yubo sorü aban ki inü atünadoyu thachoh: Khürünü ju ching yukajaksho, ha hüm ching thakhi arümbo api kheak Thrünpuhnü yukajakjihbah, tüsho khürünü ha hüm ching müchitkhi yubo yihkhita bahsho, ha hüm ching thakhi rhangdung sangdung tüsho amüsüh kiuto chingnü api shihcham Thrünpuhnü lude atsobah.