Popular Bible Verses from AMIKHEAKAKHIUKKHI 12

Share

Namfimihnunu thiyih tüsho arü thiyumütsan yu hode arünü api kuk, tümüde arünü ashepü she thsüde nihbuh rhangdungbo mümuzho.

Tüsho yinmi ching düsheak achangnü thade inü so, “Kheakü akhümkhit, wu isa Thrünpuh kiulongthsü tüsho api yo Khrista thiyukhüm-sühmüh arüdo, tümüde isa Thrünpuh miki azhing ayin isa keoniorü amülim jihrü jipkhia bahdo.

Tüsho dragon ato, ju jipü phuruto, Amünean tüsho Arimri de ajikhi, alomiküp athrünkhi mülapyukbuh ju api lung anihbuh yunirübo bede alomi ching jipkhia bah.

O yinmi tüsho nüsa ju ching larübo, asühachihang! Tüshe nüsa alomi tüsho keto are, tümüde amünean bukakhiukkhi ato chingnü nüsa kilim akido; tümütüsho api kim zhomalah de apinü mükheahlah!”

Kheakü yinmi ching Maikel tüsho api yunirübonü dragon azhihde thirithsü akhiuk; tüsho dragon le api yunirübonü keochih

Judüki dragonnü alibe kheak bukakhiuk, tüsho aningkhi anihbe tsührübo, Thrünpuh yuzüngbo tüsho Jisu thiyumütsan zorü bede thirithsüpü yüabah.

Tüsho thüning kheak amütsan ato akhiuk; aliberü khülangnü ani phuyu, ajing khüp khinu la, tüsho aku kheak chining thürükheak mahne kuthran lakheah. Alibe ju mübünkeangde lakheah tüsho anihbenü zübepü lachoki thsünü chingnü zhi.

trükshih alala yinchi tsonü yakzan shuhpü thsüde alibenü athrürü nunu zübejih, tüshe anihbe khungarü ju jangkhia lubah Thrünpuh kilim api kiulongthsübinkiu ching bekih, tüsho alibe ju Thrünpuhnü athsakhamkhi sunglo ching, anihbe nimung 1260 kümpü lakhi lim yüabah.

Jushu amütsan püpü thüning kheak akhiuk; dragon amuliuh amürüm khülang aku thüne, ajuh thürü tüsho akubo kheak kuthran thüne kihde alakheah. Api monü thüning kheak chining shihcham mahsam ching khülang phütkhia alomi kheak akishih. Tüsho alibenü zübechoki anihbe tsührü tsühabahpü thsüde, khungarü zübepü lachoki dragon ju alibe miki zhip

Tüshe alibe kilim müleang topü ghidükeang mahne jihbah phuruto kinü phinde, anihbe kam mahsam kheak thripkhüh kümpü lakhi dangpung sunglo ching yü. Phurutonü anihbe ju kekingnü zünde atsopü thsüde amün chingnü ayung nangde ke bukkhitshih. Tüshe alibe rungpü alo arü, tüsho dragonnü amün chingnü abukkhitkhi ayung ju alonü amün kabah muyuabah.