Popular Bible Verses from JEREMIA 23

Share

Inü arü müngükhukpü thsüde sherünü ajik dangpungbo ching jikpü kukla? ATUNGPUHNü thachoh. Inü yinmi tüsho alomi mümi de? ATUNGPUHNü thachoh.

ATUNGPUHNü thachoh, David thsungkheaknü inü thiyuro-lungki sangkhah asürüshihpü nimungbo tsükjide arado, tüsho kiulongthsürü nangde kiulongthsübah tüsho lümlung lade rhimobah, tüsho lomi ching thiyuro tüsho thiyuro-lungki rhimobah. Api nimungbo ching Juda khümkhitbah tüsho Israel akhümkhitkhi ching labah. Tüsho apinü ajipü mung ha labah: “ATUNGPUH ju isa thiyuro-lungki.”

Yakzanshuhrü shepünü api mihtsürü thsümünimcho tüsho yanmüzütchonü are! ATUNGPUHNü thachoh.

Inü I mihtsürübo aningkhi lomibo ching yanmüzütkhi bemukhungbah, tüsho arübo nihbuh lapung lomi ching bedarübah, tüsho arübo tsührü labah tüsho wüh jabah. Inü arü kümpü yakzanshuhrübo mokhitbah, tüsho arünü kheaküa mütre, yungsho mümüyinnim, yungsho müdükheak, ATUNGPUHNü thachoh.

Wuto ATUNGPUHNü ha thachoh: Nüsa ki müchitrü wukihrübo yu dani; arünü nüsa bemüchihchoh. Arünü nihbuh lümkhi michih asukchoh, ATUNGPUH mün chingnü yung.