Popular Bible Verses from YUZÜNGTHALO 5

Share

“ATUNGPUH nü Thrünpuhnü thiyukhüm jihkhi nangde nü be tüsho nü buh wüntreang, junangde ATUNGPUH nü Thrünpuhnü ajihkhi lo ching nü kutsüpde alabah.

Nüsanü lüpdükhi ching ATUNGPUH nüsa Thrünpuhnü thiyukhüm jihkhi ching tsahang, junangde nüsa rhangdung tsüde alabah, tüsho nüsanü amükühpü lakhi lo ching nüsa kutsüp ashang alabah.

nünü arü ki dükhukning yungsho dütankih; tümüde I ATUNGPUH nüsa Thrünpuh, mükthsübuh Thrünpuhnü bebuhrü neak lün mahsam tüsho phüyi khiungde I thraneanrübo rhua kheahchoh, tüshe I muzhorü tüsho I yukhüm anirü; chithürübo kilim amüthsüm huhchoh.

Nünü nü thsungkheak tümükhüh sangthsü, yungsho thüning le alomi yungsho alomi bukkhüp ke ching lakhi tümükhüh kiphahde düthsü

Nünü I miki püpürü thrünpuh tümü dülashih.

“Nünü ATUNGPUH nü Thrünpuh mung akeangkeang ching dütha, tümüde ATUNGPUHNü api mung akeangkeang ching tharü amülim müjihde müla.

O, arünü I wüntrekhi hadürü arü mulong ching lade kamruhroro I yukhüm zokhülaa, junangde arü tsührübo kheak lünnü tsüde alabah!

“ATUNGPUH nüsa Thrünpuhnü thiyukhüm jihkhi nangde nünü amunimung muang tüsho müsühde zoang.

“Nünü nü yamhingrü niube dümürüh; tüsho nü yamhingrü yam, thulu, yamlarü athrürü tüsho aliberü, moshipung, donki, yungsho api lakhi tümü she dülune.

“Nünü müzammüram düthsü.

“Nünü nü yamhingrü azhihde amülim thiyumütsan düthsü.

“Nünü dülaksah.

“Nünü dahüh.

Tüsho nü Ijip lo ching azhorü lakheah de lümkhitang, tüsho ATUNGPUH nü Thrünpuh khah ato chunghuhde ju chingnü nü bekhit; jumonü ATUNGPUH nü Thrünpuhnü amunimung arüngshihpü nü kilim thiyukhüm jih.

Nünü nimung thuruk nü rhimo alala rhimoang, tüshe athüne nipü ju ATUNGPUH nü Thrünpuh amunimung lah. Ha nimung nünü rhimo tümü düthsü; nü yungsho nü tsührübo athrürü tüsho aliberübo yungsho nü yamlarü athrürü tüsho aliberübo; yungsho moshipung yungsho donki, yungsho akam-shiwüh, yungsho nü chipimurung bukkhüp lakhi hanrü, junangde nü ruk nü yamlarü athrürü tüsho aliberü sühakhimbah.

I nüsa Ijip lomi, azhorü kuhi chingnü abekhitbuh ATUNGPUH nüsa Thrünpuh.