Popular Bible Verses from YUZÜNGTHALO 30

Share

Inü khihni nüsa azhihde thiyumütsan thsüde thüning tüsho alo jichoh, junangde inü nüsa müngüh rhangdung tüsho ashekhi, müngühmühi tüsho muthrumünean zojihchoh; jumonü rhangdung mokhitang, junangde nü tüsho nü tsühsoniuso chido rhangdung labah; junangde nünü ATUNGPUH nü Thrünpuh muzhode api yu anibah, tüsho nünü api kheak müripbah, tümüde api ju nü rhangdung tüsho nü kutsüp; tüsho ATUNGPUHNü nüsa jipürü, Abraham, Isak tüsho Jakob arü kilim jihpü thiyuchihchimkhi lo ching nü labah.”

khihni nüsa ki thiyukhüm jihkhi ching nünü ATUNGPUH nü Thrünpuh muzhosho, api limro ching tsahde api yukhümbo, yakzanbo, api yuzüngbo anisho, junangde nü rhangdung labah tüsho wüh bubah; tüsho ATUNGPUH nü Thrünpuhnü nünü müküh-a lupü lakhi lo ching nü müngühjihbah.

“Kheahang, inü khihni nüsa müngüh rhangdung tüsho atsü, ashekhi tüsho amütsü zojihlah

Tüshe thiyu ju nü ki khide thüninde, nü mün ching tüsho nü mulong ching lah, junangde nünü ju rhimobah.

Tüsho nü mulong athrünkhinü tüsho nü me athrünkhinü api muzhopü thsüde ATUNGPUH nü Thrünpuhnü nü mulong tüsho nü tsühsoniuso mulong tsütabahjihbah, junangde nüsa rhangdung labah.

Nü khahnü arhimokhi, nü pang chingnü tsührü, akamshiwüh bupü, tüsho nü lo chingnü atsü akhiukshihde ATUNGPUH nü Thrünpuhnü lalim tsüde akamshihbah. Tümüde ATUNGPUHNü nüsa jipürü kheak asühkhi nangde kheaküshe nü kheak atsü thsungkheaknü asühbah

Tüshe nü mulong rholode tsobah nünü musode tsoabahsho, tüsho püpürü thrünpuhbo kingaünde tüsho tankihsho, nüsa tsükjide adükheakbah de inü khihni nüsa ki zhiyukchoh; nüsanü Jordan hode yübah müküh-a lupü lakhi lo ching nü jingtsüpkutsüp müla.

“Tümüde khihni inü nüsa kilim thiyukhüm jihkhi ha, nüsa thsungkheaknü aramyu, yungsho mameakkhiungbe yung.

Ha nüsanü hade athapü thsüde thüning ching yung, ‘Isanü sobah ju rhimopü thsüde shepünü isa thsungkheaknü thüning ching yükihbah isa kilim hande arüba?’

Yungsho nüsanü hade athapü thsüde keto hobah yung, ‘Isanü sobah ju rhimopü thsüde, shepünü isa thsungkheaknü keto hode yübah isa kilim hande arüba?’