Popular Bible Verses from PAWTDAWNA THU 15

Share

A kiang un, “LALPA la Pathian aw chu chingthei tak ah la ngai ua, a mit mu ah thil dik chu la bawl ua, a thupiakte la ngaisak ua, a dante la zop ua ahileh, Aigupta mite chung ah a tunsak hiveite haw hi khat chale la chung un hun tunsak lo ding ka hi: keima hi LALPA, nanghaw hi’dampa chu ka hi’ngal in,” a tia.

LALPA chu ka hatna leh ka thâ ahi, ama chu ka hukdamna a hung hi tai: Zia hi ka Pathian ahi, ama pakcha’ng ka, ka pa Pathian, ama chu chawisâng ing ka.

“Aw LALPA, kua a hem pathiante lak ah, nang tawh te’thei ding? Kua a hem nangma gual ah thianthona ah lopi, choihoina lam ah lau um leh, thilmakte bawl?

La tatdawsa la mite chu, la lainatna’n la puidok ah: La hatna’n amau chu la chênna, mun thiangtho tiang in la pui tung a.

Chuleh, Marah a hung tun phat un, Marah tuite chu a khât bêk ziak in a dawn thei ta puau a. Ziaziak chun, zia mun chu Marah a sak den tau a. Tichun, mipite chu Mosi chung in a phunchiak tau ah, “Bang dawn ding ka hitau em?” a tiu a. Ama chun LALPA a ko ah; chuleh, LALPA’n thing pakhat a kawkmu ah, zia thing chu tui lakah a se’lut phatin a tui chu a hung thum ta mai a. Zia mun ah chun LALPA’n amau â dingin thupiak pakhat tawh, dan pakhat a siam piak ah, zia chun amau chu a enchian tai.