Popular Bible Verses from Efesios 6

Share

Jamai abɨna maɨride come dɨga fuiríñedɨcaɨ. Mei jɨáɨfodo fɨénide jóriaɨ dɨga fuirídɨcaɨ. Afémacɨ caifo caɨ acónimo táɨfodo macádiaɨoɨ. Afe caɨ dɨga fuirífɨrede jóriaɨ nana bínɨemo ite jítɨfodo jaide fɨénidɨmacɨna fɨeni ocuíoide. Bínɨe comɨ́nɨna “Cáɨedɨomoɨ” daɨíoicaidiaɨoɨ, mei “Omoɨ náamadɨcaɨ” daɨífɨrediaɨoɨ.

Nana bie cue ocuícafuiaɨ, mai Juzíñamuimo jɨ́cano fɨnori. Jaca Ñuera Joréñodo izire Juzíñamuimo omoɨ jɨcáfɨreiri. Bie izói omoɨ íllena, nana bífuiaɨna fáɨcanocaiñeno ñue abɨ́ omoɨ rairuíoicairi. Daje llezica nana Juzíñamuimo jaɨnáidɨnomo Juzíñamuimo omoɨ jɨcáfɨreiri.

Juzíñamui lloga abɨ rɨ́idua uai, ñue jeire omoɨ oíri, naa ie ñuera ézɨcɨgafuiaɨri. Mei jɨɨ, dáarie comɨnɨ abɨ rɨ́idollena ñue fuiríllena llojécuiroi jɨtádiaɨoɨ. Afe íaɨoɨ jɨta izói, nana Juzíñamui caɨ rɨ́idua uai, mai jeire omoɨ oíri. Afe uaido Taɨfe jɨ́fuia uaina uáitaredɨomoɨ.

Ie jira Juzíñamui lloga abɨ rɨ́idua uáillaɨdo abɨ́ omoɨ rairuiri. Afe bie uaido jobáirillaruimo ñue abɨna rɨ́idoitɨomoɨ. Daɨí abɨna rɨ́idotɨomoɨza are ñue rɨ́inoredɨnona íitɨomoɨ.

Iemo illa dɨ́garuillaɨdo Juzíñamuimo omoɨ ɨ́ɨnogafuena féitañeno iri, mei áfedo Taɨfe caɨmo mameca fɨénidɨfuiaɨna oni caitáredɨomoɨ. Omoɨ ɨ́ɨnogafue jae fuiríraɨma abɨ rɨ́idollena úifɨrega llojeco fɨnoina escudo izoide. Iemo Juzíñamui lloga jíllona uai jeire omoɨ oíri, mei aféuai, ɨfo rɨ́idollena jɨtáfɨrega ɨfo ico llojeco izoide. Iemo nana Juzíñamui uáillaɨna mai jeire omoɨ oíri, mei afe Juzíñamui uai, Ñuera Joreño ómoɨmo fecaca fuirira llojébɨcɨ izóideza.

Ie jira rɨire omoɨ iri. Fuiríraɨma cɨraigɨ ife rɨire tirɨ́nua izói jɨzíñeno ñue ie fuiríllena, afe izói Juzíñamui lloga ua rafue jeire omoɨ oíri. Daje izói ñue jaɨ́cɨna omoɨ íllado nágarui ñue abɨ́ omoɨ rɨ́idofɨreiri. Afe bie omoɨ jaɨ́cɨna illafue, fuiríraɨma jogobe rɨ́idollena jɨtaca llojeco izoide. Afe fuiríraɨma fuirízailla llezica ie ɨdaɨ ico rɨire maɨga izói, áfedo rɨire ie naidáillena, afe izói Juzíñamui comécɨna jacɨ́ruiñeno uai jeire omoɨ oíri. Afedo abɨna rɨire mámiano, fɨénidɨfuena ómoɨna anáfenoñeiteza.

Mei ámatɨaɨ, caɨ Ocuíraɨma Crístomo ite rɨ́inodo benómona mai rɨire omoɨ iri. Caɨ Ocuíraɨma Jesumo omoɨ jaɨnáinamona rɨire abɨ́ omoɨ mameri. Mei, afémɨe jamánomo rɨ́iredeza.

Bie lletara uai llua mei, Juzíñamui dáanomo ñue caɨ illɨfue llote. Daɨí nana ie lletara uáimona dama bíuaido Juzíñamui caɨ ñue illɨfue llote. Afe llétaja uai bie izói daɨde: “O moo, o ei dɨga, ñue jacɨ́ruiri, áfedo caɨmare o íllena, daje izói bie énɨemo are o íllena.”

Uruiaɨ, omoɨ cacai. Crístomo ɨ́ɨnotɨnodɨomoɨza, o moo uai jeire omoɨ olle ɨere jitáirede, mei afe bifue Juzíñamuimo jaɨ́cɨna jóideza.