Popular Bible Verses from INCHŌḴ-OṘÔ 22

Share

Haköptö ngam nyīö el talöökö ò nö kiröönngöre, ngaich yē ò nö köiny öthō min anga-aṅ nö ṙāngen e.

Raneushö inyāichngö pinhë-eṅkūö inrē tö ngam Mā Tēv nuk kanôlò, ineū-eu, nômö inrē.

Hòṅ atöllöng tölöök minë-eny nö mötlö tö töpōyen kanôlò, mötlö an inrē ngam neūkölōn tö rupīö hēk humlum.

Un hanôl ngòh tötainy tarik, unrēhĕn kiröönngöre holröön tö līn tarik

Ngòh tö aṅhav elmat tö mineukṙen kôlò min, pò ò nö holkūö tö yāich tö nyā-akūö re.

Meuk kanihngen ngòh tö akaha tarik ngaich hayunngöre; iṙūöhöröön pöri töt akaha, ngaich kihten tökūö e.

Hayöng yāich ngòh tökôlò, ngòh mahaṙūöng inrē töhakövö tö ngam tö haṙūönghukūö.

Meukkūö höö tökôlò yāich inrē; ngam Mā Tēv an vamī-i cha nö ṙòkhöre.

Un ulāingen yāich, tön yāich ana, hēk kirāchtö kui tökihngen i kūö inkūp; Pò ngam Mā Tēv min nö vë-elkui cha ngaich öt hakôlò nômö cha, yip töt mahakôlò cha.