Popular Bible Verses from Isayā 60

Share

Choholre, hayāngöre; tön yih an ngam hanātö meh, meutlö inrē ngam kanôlò ngam Mā Tēv nö i kui meh.

Ngaich yih min yip pumnāmö tarik nö im hanātö meh, yanāngökūö ngam maneutlö meh.

Yĕh meuk, pò ngam sinngūlö min nö kahultökui ngam tumlat, tökufëi sinngūlö inrē nö i kui yip tarik; choholre pöri min ngam Mā Tēv meh, ngaich meūkö min ngam kanôlò ò nö i kui meh.

Öp manā-angkūö tökūöṅnö min vītöre nö yöngkūö minyöngö tarik, öp tökūöṅnö inrē tökalēḵ nö pumnāmö tarik; chū-ö chin Mā Tēv; kumeuiten e chin min ip hē e.

Öt ngöhören min ngam tavūöi nö hanātö mat meh tö sakāmö; öt rēhĕn ngam yanāngö mat ngam chingëṅt min nö hātö tī tö meh tö hatööm: ngam Mā Tēv meh pöri min nö in meh nö töng örheūheu nö hanātö, ngam Tēv meh inrē min nö lanöökö meh.

Öt meutti min ngam tavūöi, öt rēhĕn ngam chingëṅt nö heūlngöre; pò ngam Mā Tēv min nö in meh nö örheūheu nö hanātö, keuheūten min nup sakāmö miṙīvlōn meh.

Ngaich me-eṅ min meuk tö-ayānga inrē, kiröngö ṙanāmölōn min me-eṅ ellōn re; pò nup kanôlò ngam mai min nö kū-ötö in meh, yih min inrē nup kanôlò vē pumnāmö tarik nö in meh.

Havīngömatre man môklökūöre, ngëicha: ṙòkhöre yin nö hamūlöre, yih yin nö in meh: ṙā-ang tömarôvat yip kūön meh kikōnyö min nö yih, fulka min inrē yip kikānö kūön meh nö el kël.

Ṙòkhöre min inrē yip tarik meh nö tölöök, amīnu yip min tö ngam panam nö örheūheu; ngam maneuinylö ngam taneūich chu, vahī në kuntī chu, hòṅ chu hapōilöngö.

Öt ōtre hināngö min chanökhuṙen nö im panam meh, inhatngö hēk tinṙōlhanga nö ellōn ngam panam meh; Inyööken pöri min ṙô meh tö minë kinlonglö meh, nöinyö inrē minë inkūp meh.

Urāngen nup min inkūp meh nö luvë-akkūö; hö-ö nup min nö öpikūö tö sakāmö hatööm inrē; hòṅ yip tarik min nö kumtö kanôlò vē pumnāmö tarik nö yih nö in meh, nö hol re tö yip rācha cha nö ṙākö röön nö kiröönngöre.

Nyatngö man min tö ṙôken nup ūṅt, nup tö-ayal ūṅt aṅ Mītiā, Efāh inrē; ṙòkhöre nup min nö yih nö ṙā-ang Sīpā. Kumtö humlum nup min tötahūsa inrē,ngaich ahangnyö nöinyö ngam Mā Tēv min.

Katöplö kinlonglö meh yip min aṅ tahëng meukṙen meh min inrē yip rācha: pò chu fōho meh i lanīnöre, aṙē-ĕlōn pöri tö meh i miṙēlōnre

Ngaich me-eṅ sin töṙā-ayö tö surīkiyö inrē nö öt hĕng tak lamök umuh, vīlen meh chin min örheūheu kiröngö lanöökö, ṙanāmölōn i tum samyeūheu.

Pōḵ aṅteh yip pumnāmö tarik man min, pōḵ teh yip rācha man min; ngaich akahalōn min me-eṅ tö chu Mā Tēv Mahayööken meh, Ṙamānyen meh inrē, Töhĕng tak aṅ in Yāköp Tömihôiṅ