Popular Bible Verses from Nonm 21

Share

SENYER ti dir Moiz: Fer en serpan an bronz; plas li lo en poto. Tou sa bann ki ti'n ganny morde par serpan anpwazonnen, e ki get sa serpan pa pou mor.

Alor, Moiz ti fer en serpan an bronz ki i ti met lo en poto. Dimoun ki ti'n ganny morde e ki ti get sa serpan an metal ti reste vivan.

Zot ti koz kont Bondye e kont Moiz: Akoz ou'n fer nou sorti Lezip pour nou vin mor dan dezer? Isi napa ni delo ni manze; nou'n degout sa kalite manze mizer.

Alor, SENYER ti anvoy bann serpan anpwazonnen mord zot. Bokou bann Izraelit ti ganny morde e bokou zot ti mor.

Lepep ti vin kot Moiz. Zot ti dir li, “Nou'n fer pese kan nou ti koz kont SENYER e kont ou. Priy SENYER pour fer ale sa bann serpan.” Alor Moiz ti priy pour lepep.