Ana Eletaoye khailu-apeio Ramai vei zhuvea ea leshi hai pongao peiwuyu kisü, puhnou Eletaoye khailu peire. Süsü lah Eletao nou acheche vah tali souwuyu vanou moe, ana lah puhvei zhuvea vanou baie. Puhnou Eletaoye Rako Mashi vanou khüshee peiwu-a puh vanou Eletao hi nashu louyu ea hrü ashu peiwuyu vanou khailupeie. Ramai nou Eletao Khailu-apeio Jisu Khrista vanou Eletao pei hi Rako Mashi alaosou lakou thoupeire, sübüa puh zhuvea vanou Eletaoye hai Ramaiye koa souzü peiwu-a Eletao nou rei-a buyu teisa ahri vei kaalo nasü panou thaoloulai.