Popular Bible Verses from ISAIAH 9

Share

Daiolouzü Etao hi nahtou ali napeie; Nahpoutu ali Etaoye peie! Ae puhnou Etao pei khopu soulai. Puh zhih sü “Khupa shoyu Soukha-apeio,” “Khoukhoulai Ramai,” “Teisa ahri Puo,” “Kaonayu Veo nahpoutu” tea kulai.

Azhi hinou ta-a buyu maitao hai dushoyu ava ali ngaoloure; puletao hai zhitei touyu teidei hinou hrüa bue, ana chuo ava sünou puletao hisü vapoa bure.

Nuh teidei khasa-a hrülai puhvei khouko sü dupupalai; puhvei vedei sü teisa nou kaona-a bulai. David veo vei tyaosholea sou-a Puhnou vebuh hi bulai, chunou poa akhai koute acheche hinou ae kaozü hinou puhnou khasa-a hrülai. Khoukhoulai MAPAO nou hai teitei sü haibüa soulai tea le lawure.

Soureih souyu hinou shaolouyu kinitao, ae zhe nakhai touyu sabanü khesü süü büa mei hi pothou deiwulai.

Haibüa veahoyu phaki puletaoye donou tupa lure ludu ali-a bulai moe. Zebulun ae Naphtali khü nou hrüyu teidei hai raichokio mainou ngaolou moe, ana vere teile hiolouzü vakou mainou hrüyu Galilee nuhdu, teinghi palova buyu Meditaranian zai hinou poa Jordan hi koute hai mainou pa tsükhou shoyu teidei ali soupeilai.

MAPAO nou puletao tyahrü sü souduso papeie, ae puletaoye sü savayu hai-a peie. Maikhe mainou chachi buyu phaki asayu büa ae saolouyu kini khesü zha zhipayu phaki lesayu büa puletao hai sashoa bure.

Raichoki nenou Midia mai hinou veilouyu büa nenou puletaoye souveayu phaodao nasü souphe peiwure, ae puletaoye da-a buyu süüru nasü sousha peiwure.