Popular Bible Verses from ISAIAH 60

Share

Oh Jerusalem, tashuloua nou teinghi büa va khaio, daiolouzü MAPAO vei khouko ava sü ne hinou va-a bure.

Tyahrütao nou neletao vei ava hisü velai, ae veo maitao nou neletao vei teiva payu hisü velai.

Tyahrü kukhe maiye sü azhi sünou holoua bailai, ana neletao vanou vapeilai; puhvei khouko ava sünou neletao hi bupeilai.

Neletao vei taikayu ae lelouho kayu kihikha ali nou dushoyu tyahrü ali soulai. Teile macha veyu phaki, Enou haibüyu sü thasho-a nou soupeilai. E hai MAPAO-e!”

“Teinghi nou heaki neletao vei ava nasü soupulai more, moa khouhva sü panou kheiki neletao hi vapei pulai more, ana MAPAO Enou teisa sü neletao vei ava soupeilai, ae avei khouko ava sünou neletao hi teisa nou vupeilai.

Neletao nou veahoyu teithe taosü akhai soulaire. Khouh teinghi jünou veipua MAPAO Enou neletao vei ava nasü teisa nou soupeilai.

Neletao nou hai khesü ngaoloua asa sholai, ae lesayu nou paohao louholai, daiolouzü tyahrü kukhe maitao vei nangi khesü neletao hi pfüvelai, ae zai pe polova hi buyu kini khesü neletao hi povelai.

Neletao nghithou hrüpa zhukhaio, neletao vei maitao hai ki hi dakhai vere donou vejüa bure! Neletao vei nahpoutu khesü kadouyu hinou velai, ae neletao vei nahnaotumai khesü daopfü poa ve peilai.

Neletao mai hrülai nou cheche-a hrüa bailai; ae teidei sü teisa vei soure donou poloulai. Avei aduso nasü mai hrülai hi soungao peire donou Enou puletaoye shothou peie, Enou puletaoye sü soupeie.

Neletao nou taidayu pai sü choupu laimoe, ae neletao vei teidei hisü pepoyu ae hakayu sü ngaopu laimoe. Enou neletaoye sü kivo ali büa khopeilai ae vupeilai. Enou neletaoye khailupa peiyu donou neletao nou Eye paosholai.

Hea-khei neletao vei robomü khesü houkhaitoua bubailai, sübüa tyahrü kukhe maitao vei veo maitao nou puletao vei kini khesü neletao hi pove peilai.

Midi ae Ephah mai teidei hinou rachome duduli neletao vei teidei hi hupoa veloulai. Puletao nou Sheba teidei hinou sana ae pou kainü veihli sü pfüpoa velai. Maikhe mainou MAPAO ye sü paosholai!

MAPAO nou Jerusalem mai hi paoe, “Vakou mainou neletao vei kivo sü soushu dakhai peilai, ae veo maitao nou neletao vei kuvah sü soupeilai. Avei lekha rarou hisü nou Enou neletaoye tudee peiwure, ana chuo Enou neletaoye sü zhuvea leshi peilai.

“Neletaoye sü thaowua ngaorayu, ae soushi khaiwua mai hrümoyu nuhdu sü panou soupu khailai more. Enou neletaoye sü dushoyu ae hüvei shoyu, alia teisa nou sava-a panou hrüyu sü soupeilai.

Tyahrü kukhe maitao ae veo maitao nou neletaoye sü pfünou lah nahye kiko peiyu büa nelataoye kiko peilai. Süthaisü MAPAO, Enou neletaoye khailupa apeio, ae Isreal maivei Khoukhoulai Ramai nasüe touyu süloulai.