Popular Bible Verses from ISAIAH 11

Share

MAPAO vei Rako sünou puh hisü bupeilai, ae puh hisü ratsü, sükulou süyu tsü, maikhe maiye kholou süyu dokai, khouko, hasü alia MAPAO ye piyu rako sü puh hi bulai, ae puhvei asa sü MAPAO ye pi-a puh chi züyu nasüe. Puh sü mai zhai zhua nou ae mainou paoyu chi nou poa chiku peilai moe

David vei veotya hai süübe ali vikhao khaitouyu raibüe; ana süübe hinou süübo lapayu büa David vei tyaosholea hinou veo mai ashu ali hrüvelai.

ana acheche hisü nou touha laimai vei chi sü kupeilai, alia veaho laimai vei zü sü vupa peilai. Puhvei kharochi hisü nou kaozü moyu maikheye sü tudei peilai, alia mai ashi maitao sü thaita-a bailai.

Acheche ae louche louvei hisü nou puhnou maikhe maiye khasa-a nou hrülai.

Ramai vei sheeyu Zion Deichi hisü, hatara linoua ve soushi louhoe moyuma ha ashi touyu khesü bupulai moe. Sühisü MAPAO ye süyu tsü nou zai hi dzü phoutao buyu büa bubailai.

Lakhao ae zhaotu sü chavei-a nou koa bubailai, alia khaoshira sü nghitu koa dazüa bailai, chotu ae chipeikhaodu sü koa nou to touzho-a bubailai, alia nahmaitao nou puletaoye sü kho-a bailai.

Veo David vei tyaosholea hinou shee ali soua vemai ashu ali hrüvere teile sü velaire. Maikhe mainou puhye sü phoulai, ae puhye sü maikhe mainou tsükhoulai.