Popular Bible Verses from PAODAKHAIYU CHIKHA 4

Share

Süphaki neletao nou neletao Ramai MAPAO sü phou talai, alia neletao nou tsüle teitei nou peia phou louzü, puhye ngaoloulai.

Daiolouzü neletao Ramai MAPAO hai zhuvea süshoyu Ramai-e, puhnou neletaoye panou thailai moe moa souha laimoe, alia puhnou neletao puopao hi chaachou soua vo thoukhai touyu nasü ngaipei laimoe.

Daiolouzü neletao Ramai MAPAO hai ngaoraiyu ae mei büa tao-a buyu Ramai nasüe.

Neletao nghithou nou ngaoyu teitei sü ngaimore donou ae neletao hribusa sütaosü panou neletao tsüle hi buloure donou soutaosoua chüteilo ae leikeilo. Sütaosü neletao nahmai ae tyaomaitao hi-a paodai khaipei-a panou sülo.

Südonou neletao zhou teithe MAPAO hai raki-a ae deiphao teitei hi Ramai MAPAO nasüe, Puh moa rah kukhe lia hae touyu sü licholo alia ngaikhai touso.

“Etao nou Etao Ramai MAPAO ye kuyu phaki, nghitei-a Etao akho sü puhnou noupeiyu büa thaovei tyahrü rah nou puletao hi nghitei-a buyu bue?

Neletao hi veahoyu tyatyali vedaoyu teithe ki neletao nou Ramai MAPAO hi dakhai velai alia puh chi sü zülai.

Enou neletao hi paopeiyu chikhatao hisü haliro thoupuso moa poa popaso. Enou neletao hi peikhai touyu Ramai MAPAO vei chikha khesü zütoulo.