Popular Bible Verses from PAODAKHAIYU CHIKHA 28

Share

“Ne Ramai MAPAO chi zü chekho louso alia zhou Enou pei-a buyu puhvei kharochi fükhai loure toulouzü, Ramai MAPAO nou neletao sü deiphao hi buyu tyahrü kukhe hrülai jünou pokusho peilai.

Neletao nou neletao Ramai MAPAO chi züloure touyusho, shiha hai veishi neletao pei hi velai alia neletao hinou bulai.

MAPAO nou neletaoye pei soupeilai, panou mi soulai moe. Zhou Enou neletao hi peikhai touyu Ramai MAPAO vei kharochi teitei hai zü loure toulouzü, alia sütao hai soutaosou fütou lousho, neletao hai teisa nou peichalai, maikhe bulai moe.

Teile kaobü hinou neletao teidei hi pa teirü peire donou alia neletao phiba nou lou souyu veishi hi ha peire donou MAPAO nou puhvei hangi shoyu raki kikhu houpa peilai. Neletao nou tyahrü taoli hi poupao soupeilai, ana neletao hai mai hinou pou-pao toulai moe.

“MAPAO nou neletao vei ngaobamai taosü neletao nghoujü hinou haongu soupeilai. Puletao nou ludu ali hinou neletaoye reih soukoulai alia ludu anai sou-a tupho racha talai.

“MAPAO nou neletao vei thoubao alia neletao bah thaithou souyu veishi hi shiha seive peilai. Neletaoye pei-a buyu teidei hinou Ramai MAPAO nou neletaoye ha peilai.

“Nenou souyu vah veishi sü MAPAO nou ha peilai.

“MAPAO nou neletao vei nuhdutao alia doukhesü ha peilai.

“MAPAO nou neye tounah taoli peilai, alia ne vei teidei hi taimou veishoa peilai, ae kikhaorü sü panou tyaka peilai.

“Neletao nou neletao Ramai MAPAO vei kharochi züre toulouzü alia puhvei ludu hinou tare toulouzü, puhnou neletao hi chaachou sou-a paodaiyu büa MAPAO nou neletao sü sheeyu puhvei mai sou-a soushu peilai.

“MAPAO nou nevei sülai alia ne paikhao sü ha peilai.

Neletao hi peilai tea neletao puopao hi MAPAO nou paodaikhai touyu teidei hinou puhnou neletao hi paohaolou hosou savayu alia kinangi, toudzü, kikhaorü alia taimou hai veisho-a peilai.

Süthaisü neletao hai MAPAO nou kuloure touyu deiphao hi buyu mai hrülai nou ngaolai.

Zhou Enou neletao hi pei-a buyu kharochi hinou halikia tarei taso, rah kukhe thaifüre donou alia puletao sheba soure donou, zhoulo va moa nalao va hi-a taveso.

“Ana neletao nou neletao Ramai MAPAO chi zümore toulouzü alia zhou Enou neletao hi pei-a buyu chikha alia kharochi haitao hai soutaosou fütoulou more toulouzü, chaa haitao hai neletao pei hi velai alia neletao hai chaa khenou bulai.