“E thaitare teile sü vere. Khouchilo ae khuveilo, alia nevei Ramai MAPAO nou neye soupfülo tea kharochi peiyu teitei sü soulo. Puhvei chikha ae kharochi veishi, Moses vei Chikha hi rüpeikhai touyu teitei sü soutaosoua zütoua bulo, sükulouzü nevei vah veishi hai kaozhou vei-a souloulai. Nenou puh chi zülouzü, MAPAO nou ahi avei tyaosholea maitaoye panou puletao vei tsüle veishi nou peia puhvei kharochi züa bulouzü panou Israel maiye khasa-a hrüa bukoute peilai tea chaachou soukhai touyu nasü vete loulai.
