Popular Bible Verses from SAM 63

Share

Aw Pathian, ka Pathian i ni a, Ṭhahnemngai takin ka zawng ka zawng che a, Ram ro, tâmlak, tui vânna hmunah hian Nangmah châkin ka tuihâl a, Ka taksa hian a ngai êm êm a che.

I ngilneihna hi zawng nunna aiin a hlu, Ka hmuite hian a fak ang che.

Ka dam chhûng zawngin ka fak ang che a, I hming lamin ka bân ka rawn phar ang.

I hmun thianghlimah chuan hmu che ila, I chakzia leh i ropuizia han hmu teh ila aw!

“Min ṭanpuitu nang hi ni la, I thla hnuai hlimah chuan zaiin, Nangmahah chuan bei tlat ila, I kut ding lamin min chelh tlat la,” ka ti fo ṭhîn.

Khumlaizâwlah ka dâwn ṭhîn che a, Zânkhua khuain ka lam ṭhîn che.