Popular Bible Verses from Korintus mesa la 1

Share

Mo Ama Lamtua huil le pake atuil man atuli li in nataka kam ngengo dui, halin nam tao nahmaeng atuil in nataka apa ka lam tana. Nol Un kon huil le pake atuil man atuli li nataka kam, un muik kuasa mes lo kon, halin tao nahmaeng atuil man nataka apa ka le muik kuasa ka.

Muik atuli nangan noan, totoang dais man kaim in tek deng Kristus in maet se kai sangsuli lua ka, ngengo isi. Mo atuil tuladang ela ka, mam bakisan deng Ama Lamtua. Molota taung kita lam, Kristus in mate ka, tulu bel Ama Lamtua in kuasa ka, le bel boa-blingin kit deng kit in kula-sala ngas.

Atuli li nataka noan Ama Lamtua ngengo kon no, Un taan dudui deng oen nabale. Nol oen bali le Ama Lamtua muik in kuasa tatahan lo kon no, Un in kuasa ka uhu dui deng oen nabale.

Kit parsai nal Ama Lamtua Allah in Teka-teka ngas, undeng asa man Un in tekang ngas, Un taos le dadi. Hidim taon elola ko Un tade, le daek dais nias bel mia. Ta Un man sai lalan, le mi taan haup Un Ana ka nol baktetebes, na kit Lamtuan, Yesus Kristus.

Kaka-pail in namnau me! Se dais ni dalen, auk aa nini kit Lamtuan Yesus Kristus ngala. Tiata, auk nodan nol baktetebes le mi pesang deng in kaen apa ka tia. Molam nuklek le mi nuil dalen mesa, nol bakisan apa deken. Mi musti nangan blatas leo-leo, halin mi nangan taan noan, mi leo-leo kil ne in nangan mes sii.

Hmunan nua, meman Ama Lamtua tek ela. Mo halas ni, daid elol son na? Atuil in tana ngas, daid elola la? Guru agama las, daid elola? Nol atuil man kom in tao dasi ngas, daid elola? Olan hii ke! Ama Lamtua tao oen banansila el atuil ngengo ka son! Un kat soleng totoang in tana man butu-kil ne apan-kloma kia ngas, nol taos le daid sa-saa man in muik nahin lo.