Popular Bible Verses from Waefeso 5

Share

Ivyo, mtimilizeni Chohile, kwaviya nyuwe mwi wanawe akunga. Mwikale mwe ungi saviya Kulisito achungile na kulavya ujima wakwe kwa chausa chetu kelavya mwenye saviya jeleko na lavyo dya koka dina mpofa ina mhempe ikumuwagila Chohile.

Elo, msinyise ivyo mkwikala, Msekwikala enga wahezi, mna saviya wata umanyi. Jesani vyedi luhenyo mnanalo kwaviya mazuwa yano yaiha.

Msekukolwa kwaviya namdamanye mbuli hemwimanyize, mna mlongozwe ni Muye Ukukile. Longani kwa milosi ya chitabu cha Zabuli, mchemeleni Zumbe nchemo za Zabuli kwa kuhongeza mwe myoyo yenyu. Mhongezeni Chohile Tate kwa chila chintu mazuwa yose kwa chausa cha yose, kwa sila ya zina dya Zumbe dyetu Yesu Kulisito.

Elo, msekutenda wahezi, mna mmanye ungi wa Zumbe.

Nyuwe wagosi, waungeni wavyele wenyu enga viya Kulisito awaungile wamzumile, kelavya ujima wakwe kwachausa cha ivyo adyungile

Umo kale nyuwe mwendaga mwe chiza, mna haluse nyuwe mwi mwe ulangazi kwa kulungana na Zumbe. Ikalani saviya wana wa mo ulangazi

Mwivane wenye kwa wenye kwa kumtunya Kulisito.

Wavyele waweve wagosi zawo enga kumwiva Zumbe.

Mna yawaungani nanywi chila mgosi amwunge mkaziwe enga viya akweunga mwenye, mvyele naye amtunye mgosiwe.

“Ivyo mgosi namwase tati yakwe na mami yakwe natimilane na mkaziwe, nawo waidi nawatende mwili umwenga,”

Msekwehanga na mbuli zihiye za mwechiza, mna ikani pwilili.