Popular Bible Verses from Aposelkena 16

Share

De ian guirltik ma’, “Maikka mager ip ngia tu gia qevep de rlas tem ngi mene ma Iesus auur a Barlka. Taqurla dai diip ngi, de ngen ne gia liinka dai diip ngene iames.”

Be qatikka qurli ma Paulus ke ne ma Sailas taqurla. Be aip men ama arlenki, de qurl iam de iane raring de iane taing ama taing sagel ama Ngemumaqa. Be ai de iari ama karabuskena rem ngim de re narli iane taing. Be aip de ama arlenki are rlan de ama qenkenki kia men i maikka ama slurlki malai. Be maikka qia quip, kia quip ne vetki. Taqurla de masna rattem mer ama tarl de veriktem se ama sen naver ama karabuskena.

Baiv aa de qa maarlviit de qa mit nanaik iam sedarliik. De qa snanpet na iam ma’, “Gua barliam, ngu lu mager ip ngu sana ip ngu iames.”

Baiv aa de ama Woda qa ngim dai qa lu i ama qenkenki qia rattem mer ama tarl, de qa mu aa qevep ai sa ma karabuskena ta uaik. Be qat lu raqurla de qa mer aa sinki nade aa snaing de qe tekmet ip ke peleng nas. Dap ma Paulus ket lu qa raqurla de qes nes slep ma’, “Kula ngi lenges nanas, i qatias kurl uut iara mai.”