Popular Bible Verses from Salmo 63

Share

¡Bab-Dummad, be an-Bab-Dummadid! ¡Bolegoedba an be-amioed! An uku-uku-itogeyob an bebina soged, an-sana bela bebina soged. Ar igi dule nega-dulesulidganba dii-satedgi dii-amididae, deyobi, an be-amied.

Dula-gudiguedba be-sabgued bur-nuedid. A-ulale, an bega namakoed.

Dula-gudiidgi an be-nug odummodii guoed. An be-nug-odummogega an-argan an onakoed.

Bab-Dummad, an be-gangued-yeerdakleged-dakega, bese-goled-neggi an be-dakbied.

Ar be an-bendaksad, deyobi, be-an-bendaksadgi an yeer-itoged. Andi begi alakwaa naid, ar be-gargangued an-bendaked.

An megidele, an begi binsamaidaed, bela mutikidbali, an begi binsamaidaed.