Popular Bible Verses from Mateo 5

Share

Degine, gwallu, ulu-urba-sigega ogalesulid. Gwallu, e-siged-birgi-sigega ogaleged, adi, bela dulemar-neg-yagi-bukmaladga neg-mee saegar. Debayobi, gwallu gaeyobi, bemar dulemar-asabin damarmogo, adi, dule-baigan be-ibmar-nuegan-imakdiid dakmalagar, degine, be-Bab-Dummad-nibneggi-maid-e-nug ogannomalagar.”

Jesús sogdebalid: “Bemar we-napneggi gwallu-meegwadga gumalad. Ar neggwebur-gwagwen yar-birgi siile, geg we-neggwebur dukued.

Dulemar-gwage-swilidikmalad, amargi nued binsalesad. Ar amar Bab-Dummad-dakmaloed.

Dulemar igar-napiragwadbina mas-gunbiedyob-itodimalad, degi, igar-napiragwadbina uku-uku-itodimalad, amargi nued binsalesad. Ar Bab-Dummad, amar nabir igar-innikigwad-imaked imakoed.

”Ar andi an soged: Be-isdarmalad be sabgumar. Dulemar-be-nug-ichodimaladga, degi, be-baregindimaladga Bab-Dummadse ega be gormar.

“Dulemar bela-belad Bab-Dummad-abedidimaladi, amargi nued binsalesad. Ar ade, Bab-Dummad-e-negdakmaid amargadid.

Dulemar emar-gwage-bogidik-imakmalad, amargi nued binsalesad. Ar amar Bab-Dummad-mimmiganye bilenonimaloed.

Dulemar-bodidimalad, amargi nued binsalesad. Ar amar-bodidimaladi, bar bukib-binsasuli guoed.

Dulemar igar-innikigwadbina baregilledimalad, amargi nued binsalesad. Ar ade, Bab-Dummad-e-negdakmaid amargadid.

Dulemar-nue-wile-emar-daked, amargi nued binsalesad. Ar amar wile daklemogoed.

”Dulemar an-nug-ular be-ichoarmalar, be-bareginnarmalar, degi, galagwensuli binsa gakansaar begi sunmakarmalar, bemargi nued binsalesad. Bemar yeer itomar, wergumar, ar nibneggi bemarga ibmar-uklegoed dummarbad. Ar ayobi, Bab-Dummad-gayaburba-barsogmalad epenne bemar-idu baregillesmarmogad.”

Dulemar-na-san-dummarba-imaksurmalad, amargi nued binsalesad. Ar amar we-napneg-naid egadga guoed.

Jesús sogdebalid: “Bemar we-napneggi baluyob gumalad. Ar balu e-gagbid-surgudele, ¿igi bar balu-balu guosunna? Geg bar ibnuedga gued. Unnila, igargi-milegega gued, dulemar-egi-annaega gued.”

Ar be-Bab-nibneggi-maid ibmar-nuegan imaksoggu, a-ular, bemar ulubgi dule-nueganga gumarmosundo.”

”Ar unnila be soge, eyeye, an imakoye. Be sogodibe, an imakosurye. Ar weyob-sogsadgi bur bule be obulosale, adi, niagi danidaed.”

Jesús sogdebalid: “Ar bemar itosmarbalid, epenne be-serganga soglesad: ‘Ibya-gwagwen dule bei onosale, buged maiye, degi, nugar-wargwen dule bei bichisale, buged maibarye.’ Éxodo 21:24; Levítico 24:20; Deuteronomio 19:21 ”Ar andi an soged: Dule-isgana sabsur-be-imakalile, mer be abin-imako. Dule-wargwen be-wagar-nuedsikid bei bibyosale, baid-wagar ega be oyobardo.

Degisoggu, be-ibya-nuedsikid, be-gwage-ichogega be-imakdibe, bur be onodo, bikiin be metedo. Ar bur be-san bela soo-sailagi mellegedba bur nabirsursi, unnila be-sangi-akanaid-gwensak bei yoggued. Ar be-argan-nued be-gwage-ichogega be-imakdibe, bur be sikdo, bikiin be metedo. Ar bur be-san bela soo-sailagi mellegedba bur nabirsursi, unnila be-sangi-akanaid-gwensak bei yoggued.”