Popular Bible Verses from Mateo 27

Share

Wachi-irbaa-gusgu, Jesús binnasur goted, sogded: —Elí, Elí, ¿lama sabactani? A sogleged: ‘¡An-Bab-Dummadye, an-Bab-Dummadye! ¿Ibiga be an-obacha?’ Salmo 22:1

Deyob-gunaidgine, Jerusalénʼgi, Bab-Dummadse-goled-neggi, Neg-Islidikid-irwa-mor-naid siir naded. Niba-akar urbalidse achirmakde gusad. Degine, napneg giglimakded, akwa-dummagan mamaridbalid. Neg-uanmar argadbalid, bukidar-dule-gwage-swilidikmalad-burgwismalad durgudmalad.

Geb Jesús gannar binnasur-gotebargu, agi yasuu naded.

Roma-suar-ibed-sordamar-dulatar-sediid (100), degine, e-sordamar, Jesús-edarbebukmalad, negabandur-nagusad-daksamargu, degi, bela ibmargusad-daksamargu, bela nue-dobe-ito nadmalad, sogdemalad: —We-dule, nue-Bab-Dummad-Machi-sunnadid.

Dad yorukugusgu, bela we-napa-naidgi negasichid nagunonikid, wachi-irbaase naigusad.

Geb degi, Pilato dulemarga sogdesunnad: —Ar degite, Jesús, Cristoʼye-nugad, ¿igi an imakosunna? Bela abin-sogdemalad: —¡We-duledi be nakrusgi bioke! Pilato dulemarga sogdebalid: —¿Ar degite, we-dulede ibu ibmar-isgana wede imaksasunna? Agi dulemar bur bule oimakdemalad, sogdemalad: —¡We-dule nakrusgi bioke!