Popular Bible Verses from Isaías 62

Share

Wargwen-mellededye, bar be-biosurmalad. Napabi-naidye, be-yala biosurmarbalid. An egi-yeer-itogedye, be bilegoed. An-sanwaye, be-yala bilegoed. Ar Bab-Jehová begi yeer itogoed, be-yala sui nikuoed.

Jerusalén-neggwebur, be-galu-matusurmaladgi, sorda-nakulemalad an urbisad. Wemala, bipisaale gwen mutikidbali, ibginedbali, gaya bogiguosurmalad. Bemar, Bab-Jehováʼse-gormalad melle be obunnomalo. Ar Jerusalén-neggwebur gannar urbedse, degi, Jerusalén-neggwebur-nug-nika imakedse, melle be, Bab-Dummad obunnogega imakmalo.

Bab-Jehová-e-argangine, ologurgin-yeer-gaedyob, be guoed. Be-Bab-Dummad-e-argan-yaurgine, ibmar-yeerdakleged-reymar-bebegi-nasiklegedyob, be guoed.

Ar sapingwa na e-yagwabo-nikunaiyobi, gannar-be-urbed, deyobi bebo nikuoed. Ar igi-sapingwa yagwa-ebo-nikuoedgi weligwar-itodae, deyobi, be-Bab-Dummad, begi yeer itogoed.