Popular Bible Verses from Isaías 49

Share

Bab-Jehová sogdebalid: “¿Ar sunna nan-gwensakde e-mimmi-iesi? ¿Ar sunna e-mimmi-baksad sabgusuli gusi? Ar we-nande, e-mimmi-nue-ieye-sogele, andi an gwen be-iegosulid.

An-argangi-sobar-naiyobi an be-sediid. Be-galu-matusurmaladi, an iedisulid.

Degi-inigwele, Bab-Jehová weyob soged: “Dule-bila-onoged bila-onogedgi-ibmar-susadi, e-ibe sulegoed. Deginbali, dule-isgana dule-gasa-sesadi, gannar e-annik sulegoed. Ar andi, dule-begi-urwedimaladgi an be-bendakoed. An-sunnagwadi, an be-mimmigan bendakoed.

Bab-Dummad weyob e-maiga soged: “Be an-maiga-guedgi, unnila be anga Jacob-waganbi gannarse nudakosulid. Unnila be anga Israel-dulemarbi gannar-e-yarse sedagosurbalid. Dulemar-yar-baid-baidgi-bukmaladga, neg-meegwadga-guega an be-imakbalid, degi, bela napaneg-naid-ugakaasega, an-abonoleged-igar-sedega an be-imakbalid.”

Nibneg-naid, be weligwaledba, ¡binnasuli gole! Napneg-naid, ¡be wergusun! Sapurmar, ¡gandikidba be namakmar! Ar Bab-Jehová e-dulemar-gwage armaked, e-dulemar-wilesagwa-gudimalad wiledaked.