Popular Bible Verses from Génesis 32

Share

Geb degine, dule ega sogded: —Jacobʼye bar be nugguosulid. Ar ade, be Bab-Dummadbo-galitosadgi, degi, dulemarbo-galitosadgi be obichasoggu, be Israelʼye nugguoed.

Geb degine, dule Jacobʼga sogded: —Be an-indake. Bato neg-oibodanikid. Jacob abin-sogded: —Be angi ise-nued-binsaedgi be anga ibmar-sogsulile, an be-indakosulid.

Jacob walagwen besgua, dule-wargwen ese nonikid. We-dule Jacob-ebo neg-oibogedse gala-maada urwenai gusad.

Geb Jacob a-nega Penielʼye onugsasad. Ar ade, Jacob soged: “Bab-Dummad-wagar nue an daksad, degite, amba an dula gudiid.”

Ar dule Jacobʼgi geg obin-itosoggu, duagar-dikar-gwadilenaidgi sarsosad. Degisoggu, Jacob urwenaigu, e-duagar nosad.

Dule Jacobʼse egichided: —¿Igi be nuga? Jacob abin-sogded: —Jacobʼye, an nuga.

Jacob dulese egisdemogad: —Emigi, be-nug anga be sogmoga, ¿igi be nugmoga? Dule abin-imakded: —¿Ibiga be anse an-nug egise? Geb degine, dule Jacobʼgi ise-nued-binsaedgi ega sogded. “Bela bega ibmar-nueganbi gusunno.”

An wisi, be angi nued binsamaid, gwen be angi nodisulid, ar deyob be an-imake-wilubsulinad. We-Jordán-diwar an obaksagua, deunni, ibmar-bipisaar gwen an semaigussulid, unnila, gaapoledbi an semai gusad. Ar emigindi, ibmar-dummagan-danabo an nikad.

A-ulale, emi-ibase Israel-dulemar ibdurgan-e-duagar-dikar-gwadilenaid-e-dub-wardummad-maid-sinnigwad wissur gunmalad, ar ade, agi Israel sarsolesad, a-dub-wardummad sinni gusad.

Geb degine, Jacob Bab-Dummadse goted, ega sogded: “Bab-Jehováʼye, be an-dad-Abraham-e-Bab-Dummad-gued, degi, an-bab-Isaac-e-Bab-Dummad-gubalid. Be anga sogsad: ‘Be-yarse, degi, be-gwenadganse be naye. An bega bela ibmar-nueganbi-gued an imakoye.’

Bab-Jehováʼye, ¡an-ia-Esaúʼgi wis be an-bendake! An dobe-itoged. Abakalegi an-oburgwialile, degi, an-omemar, an-mimmimar-oburgwiarbalile.