Popular Bible Verses from ROMIA 8

Share

Isowr ri Mma poibin dil kṭoiji, mdo own Mma wonsat lorek tu kilṭhingi mṭhat nra do khim khai nong mdo tlot tdit nenni ndeen.

Mleija neiji kbin katta, mleija kdiyou daat don, rinkhu daat don, Waan tamsii daat don, kapchaang rek daat don, tuntunki daat don, karvang rangki daat don, rutan daat don, kparthaang daat don, ktlum daat don, mdit mata mdo seem mkheng thungki talu talu kurthuwk daat don nenki Mukpu Jisu Khrista hinki Isowr wonsat thungki nnenna miṭhen pchaang liit in nime.

Anto lulungi nenni nsowl chaak naan thu pthla ava ngi mido tbom in; mleija nenni tak heppi tiṭhil chaak raan tdit dei maan min, pdainu Pthla Mma katti mchelchan tu kilṭhi ngi, pauna rek kurthluk langlang tu mithe pik chaanda.

Ava mkurthut tu hava mlei thung ngi tak the chenaan? Isowr ava nen ntum mkurthut tu, ku ngi nraal mikpii raan?

Ava leiji, tunva Jisu Khrista hintha ka am rek hin mraal piime.

Daksaa poibin ava kdiyou kurthuwk, pdainu pthla poibin ava rinkhu leh kdaai kurthuwk.

Eme, havale mkheng thungki nnenna kheel siingi Mma wonsatti kapchaang riim tkurthuw in.

Mleija tuntunki suwkthuw ava nen nhin mdo tdet rangki laarnee ava tu tpinṭim rang nga hui chme.

Khrista wonsat thungki ku ngi mikṭhen raanda? Suwkthuw rangmo, ku owr kcha rangmo, kja kakham mo, poitham rangmo, kheel siiki kja kakham mo, mdit mata kaang ksaang rangda?

Ungta miirek plungbin kthlaam Mma ngi pthla ngi pthla poibin ruk mdodee, mleija Isowr dongei dilkṭoiji kintiing rek tumra pthla ngi the pik lamda.

Mleija Isowr pthla doṭhi mii mkheng ava Isowr chapa rek lam.

Mleija daksaa dil kṭoiji ka am miirek va daksaa dil kṭoiji poibin da, pdainu pthla dil kṭoiji ka am miirek va pthla poibinni bin lamda.

Mchapa kparkhaal kma pdainu nen nkheng in tummi kpii dok Mma va, Mchapa tu kilṭhi ngi do mkheng nga nen ruk mipiin nime mo?

Nenna Isowr naole in pmin tditki Mma pthla ngi nen napthla hin sakhi mihur pik inda. Ungta mnaole nkurthut inbi, alrou tphaak chaak raan, mleija Mma tu kilṭh ingi ngi nen ruk mpunlorbi, ungu Mma tu kilṭhi suwk nthuw ṭhiinbi, Isowr alrou kpha chrangki, ungta Khrista tu kilṭhi ngi alrou kpha sap tkurthut raan.

Mleija daksaa poibin ava Isowr kusnuwm kma kurthuwk; avangi Isowr ki Nowlam dil ṭoime, ktlo pchaang ruk kurthuwk me

Mleija mdo seem rekki Isowr Chapa kandang ra ava ning kakraalli arda chlamda.

Mleija snii kpha thu mdo seem rek mkheng ngi, nao kuplu thungki kdung kṭou heppi chel mdo chan ṭhiin ava nenni ndee in.