Popular Bible Verses from MATIMANGOU KAPYII 22

Share

Inii Alpha ninado Omega, karei ninado akat, kahou ninado kalui teile.”

“Julo, I-kalangsii gong tangle; sateichii gumah alangh tei meihang dakii mpou mpoumah tiikabam tha taiswisii pyiitang karam jangpii n-gu kaswisii langhtei Inii poigong tangle.

Rangii teiniido amyiipeipwi teiniido tamle, “Gonglo,” sateichii shii sii kalei ah teinii, “Gonglo” sii tam matulo. Sateichii saryiisii kalei ah teinii gong matulo, kamareimei hangteinii karingmah dwi tei matapii sak matulo.

Ahnyiinii karingmah ruibang dateito riiti chiitang karam majyii tei doukabui tiisii sateichii namdi lung tei takam kamjao kito liit kabui tiisii ahnyiimah peijou kathang tei shyii matei kaleimei hangtei sadoibile.

Sateichii, “Julo! I-kalangsii gong tangle! Larek aikito saa mpat kabam sam hang gotei ryiikalu ah teinii sadoibile!”

Sateichii tinghum katu tei leiloi lakle. Ahnyii jangpii thaomimah mak-kii leimikmah kava tei kabi gale, kadapokii Bangpii Saraa teinii ahnyiimah kava tei tangle, sateichii ahnyiinii kalui gasii sagong tiisii magong tangle.

Aihang dakii sakchyii pyii kalei ah teinii tamle, “Nle, I-kalangsii gong tangle.” Amen, gongpyiilo, Bangpii Jisu! Bangpii Jisumah jumage kati tei kamateimei hang go kaswipyii matulo, Amen.

Larek aimah saa ka-mpat samhang go shii kalumei hang dakii Inii sakchyii pyii leile: mei kata hangninanii sam hang aikikii kai mpam leponii, Saraanii larek ai- lungkii ryii kabam sararahum hang tei ah dakii kai mpam pyii tangle. Sateichii mei kata hangninanii ai saa ka mpat sam mah larekmah samhang kiteito poitoi aileponii, Saraanii karingmah ruibang kito ninado kamatei namdi kiteito katunii larek ailungto ryiikai kabam ki teito, ahmah njai tei poitoi aitangle.