Popular Bible Verses from MATIMANGOU KAPYII 19

Share

Nyiinii nta rangade sateichii Ahgo tam matoide. Kadapokii Jaonah mah myiikapang tinglang tei gong takle, sateichii mpoumah amyiipeipwi teinii mpoupei roinapii tiikada wotakle

Sateichii Ahmah peijou kathang kiteikii ninado ahmah liikang gam teikii, “Sagong- mei hangmah sagong, ninado Abangmei hangmah Bangpii,” sii ryii kabam zei ai leile.

Teito Sating gam laat kabam tei Inii ngoutakle, sateichii julo, takoi kaha ninado malum kabui ninado kasangsii kalat ahteinii tei phyiiryii tei tong leile, sateichii kasang kamajyii kito ahnii samtak tiileile ninado saryii tiileile.

Ahmah mik teinii mi mishong takumle, sateichii ahphyii gamkii sagong phyiihung hangtei leile. Sateichii ahnii supii mei kakimei hangninii kaniido tikasu ryiikabam zei hangninii leile. Zaipiinii towkabam peimani tei Ahnii kai leile sateichii Ahzei teinii “Saraamah samkang sii” latle.

Lui hang go mpounii ngam tangle, mwi kabi saryiikhang hangninii tei Ahmah mwi kito pat takle. Ahnii ahnyiigo sagyii tingrang- pii ahnyii phyiiryiito apum tiitangle, sateichii Ahnii Saraa kadimah hangkapii hungsii rakarhiimah darkhati jou kakaryii bamtei pipii kusii paryii tangle.

Saram- kownah ninado ah doito siiti hang tiimangou sanii saramkownah mah siiti doukalumeigo ninado teimah tingtu paramgo mata katumeihang go kasang kasu teipii chuisii hem kalu, ahgo kaswi kalei kasang kasu lungkakalingmei gotei jum wotakle. Ai hangna aigo sulphur piinii song- kalei mimah jailungkii maringpii toikai aitakle.