Popular Bible Verses from JEMS 1

Share

Gu kangsanamei, gonyiida jai- kaju kataam kataam kagong tinglang kak gonyii ai doibilesii gonyii roinapii poi wolo. Kadapokii gonyiimah kamalum mah jaikaju teipii kasangting tei pung gongle katu gonyiinii tile.

Nlenii mei kata hangninanii swirek kabi tei tang suleponii, meihang go pyiisei kapyii ninado jumage kati Saraa dato ahnii khang matulo, sateichii mpounii ah dakii pyii tangle.

Gulungkasyii kangsanamei, ai ai maning wolo, meihangnii kashii kito kamaring, katam kito kamanyii, sateichii rakarhii kito manyii matulo

Sateichii gonyiinii samah kado tang kalak tei tiisupii matwi mashangsii sateichii bimatwi tang karam jangpii, gon- yiimah lung leh kati teinii gonyiigo pwidi hangki tiikama gasii soisupii pangtat kabui tiilo.

Nlenii samtei kashiimei roinii tiisii, gonyii roinapii gonyiigo kasang kasu teipii chuisii hemwo kasu tiisii, gonyiinii samtei shii wosii tiikatu tiilo.

Jaikaju lehsii kaleimei sadoi bile, kadapokii jaikaju kiteito mpounii satto sekchii, mpougo lungkasyii meigo Saraanii pyiitanglesii riishii tiikabam karingmah phyiihung tei mpounii doutangle

Kabi ninado sajek kaga luha hang ai sating gamtole, sakhii leimik nryiisii kalei teipiinii myiimatu kasu mak-kii, kali kasu sating gam mah kava hang go tiika- pyiipii Saraa dato gongle.

Kadapokii mei kata hang- ninanii samtei kashiimei tiisanii katiimei tiisuleponii, mpounii sakhii- bung kikii nunuto mpou jugo ngoukalumei takumle; Kadapokii mpounii mpou roinapii mpougo ngouwosii tat tule, sateichii mpou ai kadago reipo katu binasek-kii mangai aile.

Nyii Pfii Saraa doito kamatei ninado kahong kaga kanat teinii: pwi pfii kagamei sateichii kamipwimeigo ahnyiimah kamage kalak kito jukaha sateichii mpougo sazyii pouryiimah kashyii kahong kito rum matu kasu aile.

Mpougo hem kalu tinglang kak, “N-gu Saraanii hemwo takle” sii mei kaniido tamlak tang karamle. Kadapokii kashyii teinii Saraago hempeiwo lakle, sateichii mpou sekpiinii meigo kado hemlei makle. Nlenii mpou mpou- mah kashyii kamaning kamarei teinii chyiikatat teipii sateichii mai kalu teipii meihang go hemwole.

Nlenii mah kaga kangsanapii gotei Saraanii poikasagoi tinglang kak, mpounii nta tang karamle