Popular Bible Verses from IPISAMEI 1

Share

Mpoumah kava tei ngoukabui tiisii gonyiimah lungswi hangtei laatpyii matusii, mpounii gonyiigo lat kalu tei kadapei maning kamalum jangpiipo katu sateichii mpoumah meigo pyii tanglesii riishii tiikabam kamadat satoi hangtei kadaziikapii dipo katu tikabui jangpii, sateichii malumsii kalei nyii dato mpoumah teimaham tei daziikapii disii tha tiisii leipo katu timatu tang karam jangpii Inii khang leile. Nyii dato tha tiisii kalei teimaham ai mpounii Kristago katai kito tiimaring pyiisanii sating gam sazyii kito mpou bah ajiilamkii mpougo mbam kalumah kadi teimaham gotei masamramle. Teikito Kristanii Sating gam apum katiimei hang, teimaham kajum meihang, pumtei hang ninado Abangmei hang phyiiryiito apum tiisii leile; sazyii pouryii aito roisupii gongtang karam sazyii pouryiimah zeihang doito sagoi kaki zei tei mpou dato leile.

Nyiinii matei matu tang karam jangpii sateichii mpou doito sajek tei gamatu tang karam jangpii, Kristago nyiinii nja kalu paikito mpou mei tiimatu tang karam jangpii, sazyii pouryii tii mpat kasunato, Saraanii nyiigo kalaibam takle. Mpoumah lungkasyii jangpii. Jisu Krista paikito Saraanii nyiihang go mpou nahmei tiimatu tangle katu tei satto takle–ai ai mpoumah kamaning kamarei teile.

Kadapokii Kristanii karatsii taikapyii teipii nyiihang go matapii laat mpatpyii takle, katunii, nyii kem kama hangtei magapyii takle. Saraamah jumage kapyii tei kadaziikapii dipo

Nyii Bangpii Jisu Kristamah Saraa ninado pfii gotei tam matoileje! Kadapokii nyiinii Kristago nja kalu kito mpounii sating gam sazyii hang kito nyiigo rangiimah satoi pyiisii kalei teipii mpounii nyiigo satoi pyiibam takle.