Popular Bible Verses from 2 KORENMEI 4

Share

Kadapokii nyiinii mik leeng kalei teinii mikpii ngoukalei gotei makle, nlenii mikpii ngoukasu mah goteile. Mikpii ngou kabui pot teinii shangniikii jangpiile, nlenii mikpii ngoupei wokalak teinii kalui gale.

Aijangpii nyiinii lung taisang taimakle, nyii pumzainii adoidoi huilatsii leikado, nyii rangii teinii tingnei tingneikii tiiranu aitakle. Kadapokii ai kacheng ninado shangniikii jangpii nyiinii doukalei kamage ainii nyiinii doukalei kamage ai sung disang dikisii nyii jangpii dikaki kalui kaga pumtei kava tei pung gongpyii tangle.

Meinii nyiigo bamlyii kito tiikamage pyiile, nlenii ahnyiinii nyiigo nampei womakle; nyiinii sung kaga kadou kadoule, nlenii nyiinii nyiimah maning kamalum tei maga makle; nyiigo ngou karoumei hangkii leile, nlenii nyiinii kang gasii toumakle; sateichii tinglang daziikii kito nyiigo deng mashyii ai kido, nyiigo tiimaga aimakle.

Nlenii kaki dikaki pumtei tei nyii dato supiinii, Saraa dato leile katu tei mangou tang karam jangpii rangiimah mai kating ai kabam mei doukalu nyiihang ainii rangrhiili takumle.

Ahnyiinii malum makle, dapokii sazyii pouryii mah sara kashyii teinii ahnyii lungswi tei kamyii kikii kai aitakle. Saraamah njoi karei takum sek katu Kristamah pumtei kavamah kaang kabi rasam kito kagong, ahnyii phyiiryiito vakalei kava tei mpounii ahnyiigo mangou sutakle.

Tii mpat kareiki Saraanii kakhatle, “Kamyii kito kava tei vamatulo.” Aimah njoi Saraa ainii mpoumah kava tei nyii lung kitodo vamatule. Kava ainii Krista ju kito vakalei Saraamah pumtei kava tei nyiigo timatule.