Popular Bible Verses from 1 PITAR 4

Share

Mahlyiihang phyii- ryiito gonyii hangninanii hangni- niigo kalungsyii katu kito lung liitlo; kadapokii lungkasyii teipiinii kem hangkii gomtwum pyiile.

Mei nsang nsangnii Saraa dato luha doukalu taiswisii, gonyii hangninanii hangniniigo Saraamah kataam kataam luhamah kabi mahbam kajumei takumpii jum tang karamle.

Tam ralipyiisii kaleimei teinii Saraamah samtam takumpii tam ralipyii tang karamle; nga ngasii kaleimei teinii ahgo Saraanii pyiisii kalei teimaham teipiinii nga ngatang karamle, dapokii teipiinii mahlyii hang kito Saraago Jisu Krista zei kito tam matoi tang karam jangpiile. Mpou dato kalui kaga pumtei kava ninado teimaham tei leile, Amen.

Nlenii gonyiinii Kristen mei hang- ninii tiikatu jangpii kamage kalak tei pungsii lei leponii, teikito nrou sulo, nlenii teimah zei kito ahnii Saraago tam matoi matulo.

Mahlyiihang mah kalui tei natakle, teijangpii gonyii roinapii gonyii pumpot jum majyii jum matuiwolo, sateichii riita wokabui tiisii sakai wolo.

Lungkasyiimei, gonyiigo jaiju tang karam jangpii gonyii phyiiryii gongkalei mi karumah kamage kiteito asung kaga tha gonyii dato pat leitakle katupii sung gasulo. Nlenii Kristamah pumtei kava mati kamangou kak, gonyiinii kisii ntasii ranga tang karam jangpii, Kristanii kamage kalak kapungmah njai dou njoisii kalei gonyii ntalo.

Tiikarou gasii hangninanii hangniniigo pyiichii pyiisakti sii kalungsyiilo.

Tei jangpii Saraamah kamaning kamazhii taiswisii kamage kalak pungsii kaleimeiniido malum kabui Saraa dakii kabi tha tiisii ahnyiimah rakot tei pyii matulo.

Teijangpii Kristanii pumzai kito kamage kalak pung kapyii taiswisii gonyii roinapii gonyiido mpounii kamaning lungswi teigotei njoisii saryiinat takumpii kai wolo; kadapokii pumzai kito kamage kalak doukalei mei teinii kem kito mpat kapyii tei doutakle; teipiinii gonyiinii gonyiimah mashak kalei tiilung tei sazyii pouryiimah kamarei ka-ntha taiswisii lungkai supii, Saraanii kamaning kamazhii tai- swisii lung tang karamle.

Gonyiinii Krista tai kaswi jangpii, gonyiigo kalet kalou tiileponii, gonyii sadoi bile, kadapokii pumtei kavamah sateichii Saraamah rangiinii gonyii phyiiryiito leile.