Popular Bible Verses from Lapana Yane 10

Share

Ati okopi, ati kenga minditaka eya tupapi, yuu okopi, yuu okona minditaka eya tupapi, solewata okopi, solewata anda-pangosa minditaka eya tupapi, utupane pitaka yakale leane Gote saka atapowa atene okona gene oko loto, nambato pii enene wetete mindi yakama langeyo lea. Wamba Goteto balana piape pimai-yaini potopesa akali tupa lamawuato, matili nambato piape mindi pukale leane tekeko, pii okone mee too pitane yaepia. Andipa enjole yanane okomane balana biakulu oko peyola-angi, Gote bala mee maliyo atapowa ata napene, piape matili pukale leane okone enene pulupeya. Enjole okonemane wuane lea.

Okone angi, mindimane namba languato, nimba lapone potopesa akali mindi atoto, kiŋi kambua tupapi, yuu waka-waka tanepi, umbaini waka-waka atene wandakalipi, pii waka-waka lalaini wandakalipi, utupane ando pii Goteto nimba langeya tupa nimbato wandakali utupanenga lamaipe-pene lea.

Okone angi nambato andewa-kola, enjole tai-lene waka wete mindi ati kenga ato yuunga epea. Mole mindi balana tona pitane atea-kola, balana kawanenga mandilauwa mindi ya. Enjole okonena lee-inga nai-lene, tii wetete pea-kola, balana kene okolapo anda keyo lapo ita too atene yale gulea.

Molo puu lea-kola, nambato enjole okone ateanga poto, nimbato buku aŋako okone namba gii lewa. Gii lewa-kola, balato buku okone namba languato, nimbato buku oko mo naa. Nole-kola, nimbana nee asianga buku oko iya tende piyane wuane pua tende pulupeya tekeko, nimbana ininga kaa pulupeya lea. Wuane lea-kola, nambato enjole okonena kininga yane buku aŋako okone mo newa. Newa-kola, nambana nee asianga iya tende piyane wuane pua tende peane tekeko, buku okone no goae lewa-angi, nambana ini anda-pangosa kaa pea.