Popular Bible Verses from Maki 4

Share

Tipa peai-kola, bala ika loto, popo leane oko laiya lalu, ipa okone lamawuato, ema napene, mee yaa leaipia. Wuane lea-kola, popo leane oko tepa ya-kola, ipa taimane ika leane oko tepa alu, ema aŋakopi mindi napeaipia. Wuane pea-kola, balato akali utupane tipa puato, anu peakale yakama yuku eyaipe. Yakamato Gote lo bilipi naleyaipe leaipia.

Wuane lea-kola, utupane-mane yuku wete wato, yakama teke-teke pii lalawa puato, popo andane lala okola, ipa taimane ika lala okola, okonelapo lapotaka-mane balana pii ale eyapi-ko. Akali oko api wete ateyape leainipia.

Okone angi, Jisasa bala sipi okona tipinisa kanda yane okona palea-kola, balana disaipolo tupamane bala peya ika loto, tisa, nanima omoyale peyama oko nimbato mee ya nembo telepe lo bala tipa peainipia.

Wuane lalu, balato utupane lamawuato, yakamato wandakali yangone mindinga mana minulai pua teke, Goteto mana okone teke yakamanga wayumane wete minulu-peya. Wandakali mindimane Gotena pii oko wayumane bilipi leando, Goteto balana bilipi oko minu tai laya ola-kola, wandakali okonemane Gotena pii oko bilipi leyo nayu lolopeya. Wuane tekeko, wandakali mindimane Gotena pii oko bilipi leyo nayu naleando, Sataneto wandakali okonena bilipi oko mo alu piya yakale lo Goteto ando kondolo-peyako. Yakamato Gotena pii oko ale wato, wayumane nembo talapape. Jisasato wuane leaipia.

Wuane lalu, Jisasato pii kokoli waka mindi utupane lamawuato, akali mindimane tomo waini papaka lalane pua teke, Goteto nanima ando atalane leaipia. Akali mindimane tomo waini papaka lalu, ole dindi lo bala utulu paliki, upa pitane ika laka, peya-kola, tomo waini utupa poka loto, anda yalane tekeko, anu puato, poka lo anda eyape lo akali okonemane anda napiyane.

Wandakali ale asia yene tupa yakamato pii okone wayumane ale alapape. Jisasato wuane leaipia.