Popular Bible Verses from Romu 8

Share

To lali mana akeheli'ohune, Hu'mau lu kehelise'namofihi bona'a enali kumu kehe igo bite aitoga komopa'ani emi'ahanamagihi ai asaga huto hilina kanagu hetofana hu epololata nohinagihe.

Nani mana keheli ule'ale nohube. Mone filise'nafi to ma melugu minose'nafi, foipa agelomagifi to kokulumagu felemagifi anagu kaba huse kene'magifi to mone yatai ni'ina nasanauba huto huse'nafi to aliha'auba huto hilinafi, asaga'magi Yesutogati lele'mo loko mehilana'mu yabe. To mone ifo muyalo ni'ina me'i afenuga ni'inafi moneuba Yesutogati lele'mo loko mehilina'mu yabe. Hu'mau lali kumu sipi ginaga fise'na'amofihi Sipi Boti Yesu Kilisito limi'ehinamofihi ya'ma melugu lolo huto minolatana asaga'namagi lele'mo loko mehilana'mu yabe.

Ya'ma geba hulata komopati amuya memolose nohunogo Hu'mamofihi Sikalafu'uba lalitoga oto lehe'malina'mu yabe. Lali aitoga henana loka haluta mekeheli'ohunogo ai keheli'ehina. Ya'ma Sikalafu'uba lali kumu Hu'mamofitoga baga'atu kaga meluse komopa'a amuya'auba buka tilata nohibe.

Ya'ma asaga'na hu leto'ehinamofihi hapa'a henana ni'ibe? Hu'mau to lali hiti nominenogomo kiyi'afu loho fi talina bo nohibe?

Yatai bona'magi Yesu Kilisitotoga hiti hepite minago moneko'na nehana yanamofihi Hu'mau enifisa meilina to osahi meepilibe.

To Sikalafu laga lebesise'nalo lali mege'i nomolota bona'magita Hu'mamofihi fuluna'a litoti to hetofa mino kosaba husemofihi lilata nohune. To enali enugufa'aniuba laga enebesise'nalo mege'i nemalana bona'magi filise kapogu bilata nehabe.

Ya'ma huto hu letalana asaga'namofihi Yesu be ligi'ehigo bati huto minalune. Yesu ai sipi ginaga fi limito kaba hu letago aitoga ule'ale huto minolata nohune.

Nani mana keheli hokolo hu lepoloto Yesu kumu lagabu'i nogigo minaluta yamofihi alihi fana meha'a sipi'a moneuba lalitoga huto hilina be ligilina'mu ya'ma lilune luto lu nolepube.

To Yesu lali kumu ginaga fi limi'ehinalo to kaba hu bati hu leto'ehinalo lali ya'ma hepitoti minaluta nohunogo kiyi'afu yanaloti lele'mo loko hilibe? Keta hu letalinauba analoti loko hilifiye? Analoti fi taga hu letalinaubafi? Gabu gi letalinaubafi? Nose'na fenene hinogo kau'na lahalinaubafi? Musufalo nasanauba ya hu letalinafi? Luba huse'nauba ya hilifi? Filise'namofihi amuya'auba aitogati loko hu letalinafiye? O'e, ya huto Yesu ginaga fi limi'ehinagati loko hu letalinamo meni'ibe.

Ya higo Hu'mau asaga bona'i komopa'anigu bu goto keheligo Sikalafu'uba enali kumu ekesa yigiba yigiba nohigo yanamofihi Hu'mau kehelilata nohibe.

Asaga bona'i Hu'mamofihi sikalafu'uba enele'moto bulata nohina enali Hu'mamofihi lusi panana'a nehabe.

To enali enugufa'aniuba nohinalo mege'i nemalanamagi enali enugufa'aniuba kehelise'na'animofihi kaba hu epoloto naga'i epi'ehina. To enali Hu'mamofihi Sikalafu'uba lu noepinalo mege'i nemalanamagi Sikalafu besise'namofihi kehelite neminago ai enegekesa kehelise'na'animofihi kaba huto enele'molata nohina yabe.

Ai koyapa'i pana'a nu ki pili koto meminose lali kumu asaga'i ho lifito bona'magihi enayanugu epi'ehigo fili leto'ehina, ya'ma limi'ehina bo, Hu'mau, ai loe sana sana mina'a meni'inamofihi fa'mene limilina'mu yabe.

Hu'mamofihi Sikalafu'uba lali lemehati hiti li hepito'a moneko legege nohuto'a Hu'mamofihi pana'amagita nehabe luto nolimibe. Yalo'i lali pana'amagita nohunogo ai'a bona'amofihi lusa gi epalalina'a lali hiti limilinagihe. To Hu'mau Kilisitohi hetofa nasana li molo emilina'a ya'ma ana huto limilenogo lilune. To lali Kilisito gabu gise'na'a hiti ya'ma ana huto kofiloto nohunogo ai'a fana meha'a hiti limilenogo liloto aitoga hepito minalune.

To bona'i enugufa'aniuba laga besise'nalo mege'i nemalanamagi nehago kehelise'na'aniuba kaba hu epalago enali Hu'mamofihi fateha'a nehana yabe. Henabe lutobe? Enali Hu'mau kaga lu molo'ehina'amofihi keheli he'mite pelesa i'ahana. Ya'ma Hu'mamofihi kaga'a amuya'anitu mekehelite to analo mege'i memelelata nehabe.

To Hu'mau asaga melugu lolo hu'ehina'a yanagu neminanamagi ai pana'amagihi enele'mo ho tilina yupahi geba hite amuya melelata nehabe.

To yatai Hu'mau lolo hu'ehinanauba usegi asegi huto ana legita a'i moneuba pana'i noketana sipi gabu gise'na suhi huto nominanamo ni'igo akeheli'ohune.