Popular Bible Verses from 1 Yoni 3

Share

Palala'ni pana'nimagitabe. Lali komopati Hu'mamofi hiti lalalutigi hiti noepito ya'ma kagatuko to labagagutiko melilune. Komopatiguti layatuko to labagatuko luto moloto hilune.

Yesu Kilisitou ai lali kumu yabe luto minoto lito hulata'a he'miloto fili'ehibe. Ai ya higo komopati ai eminogo ai eminogo hiluta hapati li yege holago bu go'ohune. Yana'mu lali ana huto lalalutigihi enali kumu luto minoto lito hiluta'a ya'ma he'miluta babeyafalo enalitoga minalutamo ni'ibe.

Bu galo. Afotifu ya'ma komopa'a sipi huto limiloto pa'nibe, pana'nibe luto lu leto'ehina. Komopa'a limilata'na hofa toto minago lali ai yagapana'a bati huto nominone. Yana'mu melugu bona'magi Hu'mamofitoga meneminana enali laliti hapati menekehelibe. Hena'mube? Hu'mamofihi hapa'a mekeheli'ahanamo ni'ibe.

To luga'amagi foipana lilata minalana enali Sataha bona'a neminabe luto lilune. Satau ai foipa nasana koyapa emagati lelito buto mino'ehina. To liloto nohigo Hu'mamofihi pana'auba ai'a Satahi foya'a ya'ma laga huto li sibi sibi huto he'milube luto oto huto hu'ehinamo ni'ibe.

Luga'amagi enali Hu'mamofitogati huto hi'ahana bona'magi Hu'mamofihi meha'a lite mine'ahanamo ni'inaya, enali foipana lilete meminalana'mu yabe. Hena'mube? Enali Hu'mamofitogati lusi bona'a ahuto hi'ahanagihe.

Bona'i luga'a enali yaga nose'na to fe'noho nasanauba babu luto ni'igo to enalalu'anigihi enumuhi meni'igo nehinogo bu gelete to komopa'ani hekini lete meenehe'malata nehanaya enali kumu ma luto kehelilune. Komopa'ani Hu'mamofitoga mone memalalata nehabe luto keheliloto ya lilune.

Enali lu molo'ehina ka'a keheliya ite mege'i malalana'a enali Hu'mau hiti hepi lamana hite neminenogo Hu'mau ai'a komopa'anigu mino ho tito minalina'mu yabe. To ai Sikalafu'i molo leto'ehinamo ai'a lu limilago Hu'mau ai'a komopatigu minoto ho tito hulata nohibe luto kehelilata nohune.

Hu'mamofihi pa'a pana'a to Satahi pa'a pana'a enali hapa hapa'ani ya suhi huto ya'ma huto nohigo bu galune'mu nohune. Luga'a mino fotogo hite meminalana'mu enali kumu Hu'mamofitogati menehabe luto nokehelune. To enali komopa'ani ya'ma enalalu'anigihi meepinogomo enali kumu Hu'mamofihi bona'a menehabe luto ya'ma ana huto lilune.

Ya'ma ka yata'a kanaguti lenali kehelite biba biba hi'ahana ya'ma huto ni'ibe. Komopati ai eminogo ai eminogo huto ya suhi huto minalune.

Nalalu'nigita, ma melugu Hu'mamofitoga meneminanamagi libe gofa hebe hite ya nehi lepelenogomo kehelilete topa mehalo.