Popular Bible Verses from ROM 6

Share

Sual man chu thina a nia; Pathian thilmanboi pêk chu ei Rengpa Krista Jisuaa khan kumtuang hringna a ni.

Sual khan nin chunga ircham nei ta no nia; Dân hnuaia om maka, lungkhamna thuhnuaia nin om ual tâk sikin.

Baptisma ei changin a kuang phûmin ei om saa, a thina kha ei irkoppui a ni; khaang dênin, Pa’n mithi lai ata roiinpui taka Krista chu a kaithoi ang khan, eini khom hringna tharin lêng ta ei ti.

Nin takpum ônhai khom thil saloi thôna hrangin inhmangtir ta no roi; mithi lai ata hring nôk angin Pathian kuang inhlan unglân, nin takpum ônhai khom kha ama kuang felna hriamhrei hrangin pe ual roi.

Sual suaka ei om ta loina hrangin sual irput takpum hi thatpai hrangin ei mihriam milui kha a kuang hembe’n a om tah ti ei inhriat a ni.

Khaang dênin nangni khom sualna tiang chu thi tâkin irbe unglân, Krista Jisuaa khan Pathian tiang chu a hringin irbe roi.

Imo ei insîr hrang tâk? Lungkhamna chu a pung theina hrangin ei isual nôk li lia hrang ma ni? Nâi sâi mak e, Eini sual thisan tâkhai chu suala itin mo ei la iom mai thei hrang?

Tu kuang khom a thu zôm hranga a suaka nin lûtin chu, thina hrang tena sual suak mani, felna hrang tena thu zômna suak mani khom ni sianlân, a thu nin izômpu suak chu nin nih ti nin inhriat loi ma ni?

Sual suak ni ni tâka, khannisian, nangni an inhlan nôk Thurchi Sa irchutirna thu nin idong kha milung taka nin zôm sikin, sual suak ata chu insuak nin ni, felna suak nin hong ni ta. Khasikin Pathian kuang lômthu om ri se.