Popular Bible Verses from ROM 12

Share

Hi rammual om lam ang hin om no unglân, Pathian nuamlam, a sa le lôm inruk le satirkip kha nin inhriat infel theina hrangin, nin lungrîl a thara omin hong danglam ta roi.

Khasikin urênghaio, Pathian lungkhamna sika hin irbôlna hring le irthiang le Pathian lôm inruk ni hrangin nin takpum kha inhlan hrangin nangni ki ngên a ni; khaang kha nin sintho hrang lam tak a ni.

Sabeina khan nangni inlômtir sianlân, dengintheina nin tuang khomin dorôi takin tuang unglân, itiklai khomin chongchai roi

Sual nang inhnêin om no’n lân, satna’n sual chu inhnê ual roh.

Urêng angin ir-en irhlôm unglân, irchôiindôm irhlôm uar roi.

Lungthungna chu vârillekna kop loiin ni ri se. Sual chu khôkmâk unglân, a sa kha pom khak roi.

Nangni chu mi murdi leh irngei tum roi.

Inditom takhaio, “Phuba la no unglân, Pathian ningmurna inkian ual roi; phuba rêng rêng keima lâk hrang a ni, keima’n thuan ki ti Rengpa’n a ti,” ti irziak a nia.

Irtha inboi viat loiin lungrîl irthor takin Rengpa sin kha tho roi.

Pathian ni ipêk lungkhamna sika hin nin laia tukhom irngaiinhlu hrai loi hrangin nangni ki ingên a ni. Pathianin mi tin kuang iamna a ipêk ang takin, mâni irphu tôk lungrîl irput roi.

Sual chu suala ngêt thuan no unglân, mi murdi irngaia a sa ngaitua roi.

Ngaitua hmunkhatin om seng unglân, irngaitua irsâng hrai no unglân, mi chînhai irrualpui roi, Vâr irti no roi.

Khasikin ni râl a phîng a châmin chu fa hrang pe ro; a tui an hrâlin chu in hrang pe roh, khaang khan ni tho’n chu a sân a inzak hrang a ni.

Deng nangni intheituhai chu satvurhai unglân, khua sâlhai no roi. Lômhai chu lômpuihai unglân, chaphai chu chappui roi.

urêng irsamhai kha irchangpui irhlôm unglân, mikhual lôm uar roi.

Takpum inkhata ôn tamtak ei neia, ôn murdi’n tho tum an nei seng; khaang dênin eini khom tamtak ni inlân khom Kristaa khan takpum ôn anga irzom irhlôm seng ei ni.