Popular Bible Verses from ROM 1

Share

Thurchi Sa hi inzakpui ma ung, tukhom, a iam murdi saninhringna hranga Pathian sinthotheina a nia; Judahai hrangin a ni phota, Jentailhai hrang khom a ni nôka.

Hi hin iamna sika vai Pathianin mi thiam a inchangtir lam a hong inlang ta a ni, Pathian Thu bu’n, “Iamnaa mi fel chu hring a ti” ti irziak ang khan.

A nina, mita hmu thei loi, a kumtuang sinthotheina le a Pathianzia kha rammual siam irphut ata a thil siamhai chu fel taka hmu theiin an langa. Irphilna hrang zel nei mahai.

Pathian chu inhriat chakin, Pathian angin chu chôiindôm mahaia, lômthu khom hril mahai; thil chanlamboi an ngaitua tâka; an lungrîl invêt chu an thim zoi ta.

Pathian thutak nêkin milak an inthanga, a siamtu biak nêkin a isiam kha biakin a sin an tho tâka. A siamtu chu kumtuanga inpâkin om ri se. Amen.

Irvân ata Pathian ningmurna kha mihriamhai Pathian uksak loina, sualna le felloina murdi chunga a zuang inlang a ni; an sualna sikin thutak kha a khâl khaka

Khasika khan kêng Pathianin inzak taka an ihur kha phalin a irheisanhai tâk a ni; an nupanghai khomin an omlam dân kha paiin dân no angin an oma; an pasalhai khom nupang hmang lam dân pangai mâksanin, hurin an irhnarsa irhlôma, pasal le pasal saloi takin an lênga. An taksa ngeia an sual ra kha an ihmu a ni. Khanchu Pathian inhriatna dik kha an inthâ tâk sikin an ngaituana felloi tak anga om hrangin Pathianin a’rheisanhaia, an tho loi hrang hrang khom an tho tâk a ni.

Vâr an irti nâkin, a sân an invêt tâk a ni. Thi theiloi Pathian roiinpuina chu thi thei mihriam hai, va hai, sa ke minli neihai le thilhring irlim ang dênin an inchangtira, chubai an mûka.