Popular Bible Verses from THUVÂRHAI 12

Share

Lunginkângna’n raifânna an boitir ngaia, lungkham chongin chu mi an lômtir ngai.

Tukhom inhriatna lungthung murdi’n chu irchutirna a’rngaiinnata, khannisian halirchûna khôkmâktu chu intô a ni.

Intô chongin chu khandai isun nêkin a sun inna ngaia; mi vâr chong rêk chu damna a ni.

Intohai khan chu anni mita hmuin dik irti an inhriat ngai. Mi vârhai rêkin chu irchutirna an irngaitua ngai.

Intô ninginmurna chu voikhat rengin an langa; mi vâr rêkin chu êsêlna hnung a songsan ngai.

Nupang omlam sa chu a pasal hrangin lômna le rênglukhum a nia, nupang, a pasal hranga hmâimôk intungtu rêk chu a ru zêm inkhiaktu ang kha a ni.

RENGPA’N milak thohai a khôkmâka, an chong iamomhai chu a lôm ngai.

Mi fel chu a rual hrangin hruaitu a nia, mi pualoi lampui chu irhmangna tiang a hruai ngai.

Milak chu sôtnotea hrang vai a nia, thutak chu kumtuangin om mai a ti.