Popular Bible Verses from ISAIA 1

Share

RENGPA khan, “Thoi hong roi lei ngaitua irhlôm rei! Nin sualhai kha seninlâr angin om ta khomsian, ivur angin la vâr a ta; senduk angin sen ta khom sianlân, belra mul angin om ta a ti.

Ki thu nin zômin chu, nin rama thil sahai fa nin ti.

Sin sa sin irchu unglân, a dik hi irzûl roi. A boihai sanhai unglân, farahai roirêl indikpuihai roi, meithâihai sanhai roi.

Khannisian, nin nuam noa, tehel nin zongin chu, khandaiin nangni fa zoi a ti: RENGPA bâi khan kha kha a insîr tâk a ni,” a tia.

Irsil unglân, fâi ta roi, thilsual nin itho ngai hi ma ta unglân, thilsual tho ta ngai no roi.

Ni ngênin nin bân phar khom unglân, ki mit nangni insîngsan ki ti, chongchai sabak khom unglân, ki mikuar sung no ning.

Thil hor hlan kochok ta no roi, ite ar fêna om ma, rimhoi nin ihâlhai hi kin tir ta, tha tharhai, sabat hai, Inkhômpui nin itho ngaihai leh hin, Inkhômpui nin iuarhai khom hi, ki hnông zoi ta, sualin a sip tâk sikin.

Sehrâtin a chongpu an hriata, Sakuartungin a pu bu pêkna irkuang a inhriat angin, Israelhaiin chu inhre mahai, ki mihai hin inhre thei mahai.

Ni tha thar kût hmang ngai le nikhua poimo danghai hi a sate’n nangni ki hnôngpui! keima hrangin porche a nia, tuang zoi ta no ning.