Popular Bible Verses from FESUAKNA 7

Share

RENGPA’N Mosia kuang khan, “Irngai ro, Faroa ta hrangin, Pathiana nang ki siam tâk kêng, ni upa Arona hrangin deipu ni ta ni ti.

khannisianlân Faroa lungrîl inngartir pe nôk ki ta, irsinsiana le sinirkhêl ki tho chu Aigupta rama hin hong inthang a ta. Khan, nikhomsianlân Faroa hin pom nuam no ni, khanchu Aigupta ram sûnga hin ki kut irnghat ki ta, annihai chunga a sate’n dengtheina tuangin ki mi Israelhai chu Aigupta ram ata hruai suakhai ki ti.

Khanchu, Aigupta mihaiin, an rama ki kut ki phara, Israelhai ki hruai suakhai nî tena kêng, RENGPA ki nih ti hi an la inhriat hrang,” a tia.

Khanchu Faroa’n dôithei le mi vârhai a koihaia, Aigupta ram sûnga mitphil dôi theihai khomin an khianghrolhai an paia, mirûl an hong chang pehai tâka. Khannisianlân, Arona khianghrol khan a danghai kha an volpaihai vinga.

RENGPA’N a vuan ata ni la’rhriatsuak no’n chu RENGPA ki nih ti inhre lat ta ni ti. Irngai ro, ama ki mi hong tîrtu khianghrol leh hin ivadunga tui hi vîk a ta, khanchu thisen chang ving a ti.

“Faroa’n sinirkhêl tho roi nangni a lei ti’n chu, Arona kuanga ni khianghrol kha la’nlân hnuaia pai ro, khanchu mirûl hong chang a tih ti pe’n lân,” tiin a hrilhaia. Khanchu Mosia le Arona kha Faroa kuang an va lûta, RENGPA thupêk angin an thoa; Arona’n a khianghrol kha Faroa le a siahlohai mit hmua a paia, mirûl a hong chang pehai tâka.