Popular Bible Verses from FESUAKNA 32

Share

Mosia chu tânga a hong om insôta, kha hmun ata zuang chum lat loiin a om ti an hmu’n chu mipuihaiin Arona tiang an hong fekhôma, a kuang khan, “Tho a ni hruai hrangin pathian ni siam pe ro; Aigupta ram ata ni hruaisuaktu Mosia laka hi imo a ichang a ni ta, suak ta maka,” an tia.

RENGPA khan Mosia kuang a ti pea, “Zu kîr nôk zel ta roh, mipui Aigupta ram ata ni hong ihruaisuakhai khan, sualin an ni ihnôl zoi tâk kêng. An lampui zui hranga ki iti kha an imâk tâk kêng; rângachak inzôia siamsuak sehrâtchal irlim chubai mûkin irbôlna thil an inhlan tâk kêng, ‘Ama hi Aigupta ram ata hruaisuaktu an Pathian kha a ni,’ an ti,” tiin.

Kha thu kha Arona’n an hriatin chu, rângachak sehrâtchalte kôla khan maichâm a siama, “Nangtûk chu RENGPA chôiirsângna hruaithe ni a ti,” iti an puanga. Zînga chu irbôlnahai a hâl hrang le irngeina thilinhlan fa hrangin sahai an hong chôia. Mipuihai chu hruaithe fa hrangin an toi tâka, kha kha uain inrui inhnâi le taksa irzukna sinin an inchangtira.

Zînga chu Mosia’n mipuihai kuang khan, “Sual ichiom tak nin itho a ni ta; khan atûn hin RENGPA kuang tânga hong fe nôk ki ta, nin sual inboi hrangin ngaidamna ki hmu duaiin chu,” a tia.