Popular Bible Verses from FESUAKNA 16

Share

Israelhai khan an kuang, “Aigupta rama hmê bêl kôla kin toi lai le bai khoptela kin fâk lai khan RENGPA kuta kin ithi ni sian chu o! atûn nangni lakin ramchâra hin phîngchâma thi hrangin mipui irbukkhôm murdi hi hin nin ni hong hruaia,” an tia. RENGPA khan Mosia kuang, “Irngai ro, nin ta hrangin bai irvân ata zuang inthatir ki ta, khanchu mipuiin a sûn tina an fâk hrang vai va hrût ngai ri sehai, ki dân an zôm le zôm loi ki fiahai theina hrangin.

Kha ramchâra khan Israel nam pumpui Mosia le Arona chunga an ichiar a ni.

Khante Mosia’n ama kha la’nhria nin ti, khohloi tiang sa fâk hrang nangni a pêka, zîng tiang bai nin fâk khop hrang dôr nangni a pêk tika chu; RENGPA Pathian khan a chunga nin nuarna kha a le’nhriat tâk sikin, keini hi i ual mo kin nia? kin chunga nin inuar ni maka, RENGPA chunga nin inuar a ni, a tia.

“Israelhai nuarna kha ki le’nhriata; an kuang khan khohloi tiang hmê fa nin ta, nangtûk chu bai khop takin fa nin ti; kha tena kêng RENGPA nin Pathian ki nih ti inhre ta an ti,” ti pehai ro, tiin.